Претходно
Што ќе се случи ако го оставите телефонот и го почувствувате светот околу вас?
Многу често ни се случува да се занесеме во екраните на нашите смартфони или во компјутерите и да изгубиме контакт со реалноста која нè опкружува. Постојано гледаме и читаме вести, информации, секакви фотографии, кои толку многу го окупираат нашето внимание при што забораваме на едно од нашите најважни сетила – допирот. Затоа, понекогаш е добро да си дадете оддишка од сета технологија и да се вратите на природата. Без оглед дали ќе одлучите вашиот телефон да го оставите настрана една цела седмица или само половина час, важно е малку да отстапите од екраните.
Заборавете накратко на кликањето, лизгањето со палецот по мазната површина и ослободете ги вашите дланки да ја допрат и почувствуваат вистинската природа, а не само онаа виртуелната која секојдневно ја гледате на фотографиите. Вратете се во детството и ќе видите колку пријатно искуство може да биде тоа во ова времена вртоглаво брзиот развој на технологијата. Што ќе се случи ако го оставите телефонот и ако дозволите да го почувствувате светот околу себе?
