Претходно
Што би се случило доколку жените кои ги гледаме во рекламите се реални?
Датум: 03 мар 2015
Коментари: 0
Што мислите, какво влијание би имале рекламите доколку се заменат сите оние „вештачки“ жени кои секојдневно ги гледаме со жени кои навистина постојат? Што ќе се случи доколку наместо совршенството создадено во Фотошоп, ние гледаме жени чие лице и тело е онакво какво што навистина е, исто како нашето? Дали и тогаш луѓето сè уште ќе ги осудуваат жените според нивната боја на кожа, големината и висината на телото, ширината на струкот, должината на косата и бројот на чевли?
Пораката која ова видео ни ја пренесува е моќна и заслужува да биде споделена. Доколку одвоите неколку минути од вашето време и размислите за одговорите на овие прашања, можеби ќе најдете начин како да го направите светот подобро место за жените и за оние кои ги сакаат.
Зошто мора да се чувствуваме различно кога гледаме фотографии од реалистични жени? Зошто не ги гледаме жените кои ги препознавме од секојдневието и зошто не сме обрнале повеќе внимание на ова порано?
Каде се жените кои се потат низ својата женственост? Девојките кои градат нешта за оние кои не можат?
Мајките кои учат од своите деца?
Кога преминуваме преку обработени лица и тела во Фотошоп, што тоа кажува за нас? Дека нашата сила не е доволно силна? Дека нашите чувства не се доволно длабоки? Дека нашите пофалби не се доволно гласни?
Доколку сите жени кои ги гледаме во рекламите изгледаат исто, каква илузија им пренесуваме на нашите ќерки?
Можеби би требало да почнеме да гледаме жени во кои се пронаоѓаме, девојки кои не се плашат од своите идеи, експерти во своето поле и девојчиња кои се борат за својата држава. Да ја видиме жената која ги прави сите оние нешта кои жените навистина ги прават.
Да ја цениме убавината на надминувањето вистински препреки. Да видиме повеќе жени како оние кои ги знаеме, кои нè смеат и кои седат покрај нас по долгиот ден, кои не се плашат од нашата сила.
Можеби сè што треба е да погледнеме наоколу и да се потсетиме дека жените во нашиот живот носат најразлични убавини и токму оваа убавина е онаа која вреди да биде видена.
