Претходно
Раскошна куќа со приватно езеро
Датум: 07 дек 2012
Распослана на површина од 24.281 метри² сосе градината во живописната природа на Глазгов, Шкотска, оваа куќа нуди душевен мир, задоволство и доволно простор, кој ќе направи да се чувствувате како секој ден да го живеете мрзливото неделно попладне, читајќи весник. 
Модерната вила има свое приватно езеро, два ката, во кои совршено добро е искомбиниран модерниот мебел, со надворешниот природен свет, благодарение на големите прозорци расположени од под до таван. И покрај тоа што овој ентериер дефинитивно му припаѓа на 21-от век, сепак кога ќе погледнете надвор во езерцето, добивате чувство како да се наоѓате во некоја традиционална колиба. 
Всушност куќата е така дизајнирана, што каде и да се движите низ неа, постојано ќе бидете потсетувани, на природата која ви се смешка однадвор. Дури и да не сте насочени кон прозорците, ќе забележите дека мебелот има таква површина, на која се рефлектира надворешноста, во секој дел од вашиот дом. Кога ќе пристигнете во вашиот дом со автомобилот, ќе ви се отворат електричните врати, после кои ќе возите по симпатична патека, која води директно до хациендата. 
Располага со 4 спални соби, 2 тоалети, џакузи, сауна и туш кабина, како и дневна просторија/кујна/трпезарија во едно и две тераси. Изградена е од страна на компанијата „.Savills“ и моментално е на продажба, па ако имате доволно пари да ја купите – бујрум. 🙂
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Убавини…а кој не би посакал? 🙂