Зошто девојката која нема да ги толерира вашите глупости е вистинската за вас?

Заборавете на сѐ што сте чуле во врска со тоа дека девојката која постојано ќе ви простува е вистинската за вас. Девојката која ќе ве сака безусловно не е жената со која треба да го поминете вашиот живот. Вистинската за вас е онаа девојка која нема да ги толерира вашите глупости. Нејзината љубов е напорна и тешка, но токму таа ќе успее да го извлече најдоброто од вас. Повеќето мажи ќе се исплашат и ќе побегнат, бидејќи не се доволно силни за да бидат со неа. Само вистинскиот маж ќе ги препознае придобивките од љубовта на силната жена…

Зошто девојката која нема да ги толерира вашите глупости е вистинската за вас?

Таа секогаш ќе верува во вас

Оваа девојка никогаш нема да ве понижува и омаловажува само поради тоа што не е сигурна во себе. Напротив, таа постојано ќе ве турка напред. Кога ќе мислите дека не можете да направите нешто, таа ќе знае дека можете. Ќе ве поттикнува да ги направите работите што сте мислеле дека се невозможни. Таа ќе ви покаже дека можете да направите сѐ што ќе посакате. Ќе ве турка напред додека не се видите себеси онака како што ве гледа таа. Таа навистина сака да знаете колку сте неверојатни!

Таа ќе ви биде најголемата поддршка

Секогаш ќе можете да сметате на нејзината поддршка. Таа никогаш нема да застане зад вас или пред вас. Таа ќе биде покрај вас за време на секој ваш успех или пад. Вие сте тим и ќе останете заедно без оглед на сѐ. Нејзината љубов е доволно силна за да ги преброди сите тешки периоди од вашиот заеднички живот.

Ќе остане покрај вас во најтешките моменти

Таа нема да си замине кога ќе наидете на потешкотии. Таа ќе ви дава сила кога ќе се чувствувате слаби и ќе ве љуби за време на сите несреќни моменти. Сѐ додека не ја изневерите, таа ќе биде во вашиот живот како партнер, најдобар пријател, љубовница и сродна душа.

Зошто девојката која нема да ги толерира вашите глупости е вистинската за вас?

Нејзината љубов нема да исчезне

Нејзината љубов ќе биде најмоќната сила што некогаш сте ја почувствувале. Нема да мора да внимавате на вашите зборови кога ќе бидете со неа. Таа не е нежна и сака да го добива тоа што го дава. Па така, немојте ниту вие да ги толерирате нејзините глупости. Ќе успеете да го извлечете најдоброто од неа исто како што таа го извлекла најдоброто од вас и заедно ќе бидете непобедливи.

Мажите обично мислат дека нејзината љубов е напорна, но тоа е далеку од вистината. Нејзината љубов не е напорна, туку моќна, инспиративна и надежна. Но, таа нема да остане покрај вас ако не го добие истото за возврат. Нарекувајте ја напорна ако сакате, но оваа жена знае колку вреди. Таа верува во вас повеќе одошто самите верувате во себе. Верувајте и вие во неа.

Таа нема да ви дозволи да ја газите и нема да ви прогледа низ прсти кога ќе згрешите. Мора да бидете искрени со неа и да ја почитувате. Таа нема да прифаќа изговори и секој ден ќе ве поттикнува да станете најдобрата верзија од себе. Таа ќе ви укаже на тоа дека самите сте одговорни за своите постапки и ќе ви покаже каде ви е местото доколку има таква потреба.

Токму затоа, таа е вистинската за вас. Таа ќе ви помогне да станете подобри, а токму тоа е целта на вистинската љубов. Не бегајте од неа, бегајте заедно со неа. Нејзината љубов ќе ви го промени животот, а вие двајцата заедно ќе можете да го промените светот.

Прочитајте и зошто момците најдлабоко се вљубуваат во силните девојки.


За авторот
Писателот во нејзината глава вели: Дај ми англиска книжевност. Дај ми урбан апсурд и егзистенцијализам. Дај ми мистерии за човечката психа. Дај ми театар и џез како терапија.

Поврзани содржини

Остави коментар