Чудо од чоколадо

Вкусен колач со многу чоколадо

Чудо од чоколадо

Состојки за пандишпанот:
  • 4 јајца
  • 100 г шеќер
  • 200 г маргарин
  • 100 г чоколадо за готвење
  • 4 супени лажици брашно
  • 1 прашок за печиво
Состојки за кремот:
  • 0,5 л слатка павлака
  • 200 г чоколадо за готвење
  • 1 супена лажица шеќер
Начин на подготовка:

Пандишпан: Издвојте ги жолчките од јајцата и измешајте ги заедно со шеќерот во поголем сад. На оган стопете ги чоколадото и маргаринот и потоа сипете ги во садот со жолчките. Пополека и мешајќи, додадете ги и брашното и прашокот за печиво. Белките од јајцата изматете ги рачно и додадете ги како последна состојка. Смесата исипете ја во тава и печете 20 минути на температура од 180 Целзиусови степени. Повремено проверувајте, за да не ви изгори.

Крем: Слатката павлака, чоколадото и шеќерот загревајте ги на тивок оган и повремено мешајте. Кога состојките ќе се соединат тргнете го садот од оган. Печениот пандишпан избоцкајте го со виљушка на неколку места и додека е сè уште топол, посипете го со кремот. Кремот иако ќе биде поредок не треба дополнително да се меша или нешто да му се додава. Најпрво оставете го колачот да се да се олади на собна температура, а отпосле ставете го во фрижидер за да се стегне кремот. Откако десертот убаво ќе се стегне, исечете го на коцки и уживајте во неговиот вкус.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Дипломиран новинар со широк спектар на интереси. Љубител на ТВ серии, фудбал и Цедевита. Статистичар по природа и страстен фан на Јувентус и Роџер Федерер.

Поврзани содржини

  1. алекс Reply

    Ќе пробам да го направам !

Остави коментар