Животни цитати кои ќе ве замислат

Автор: Вики

Честопати не знаеме да ги цениме нештата кои ни изгледаат мали, а всушност тие се оние кои се највредни. Живееме лутејќи се и мразејќи се едни со други, не размислувајќи колку луѓе има во светот што не почувствувале топла рака врз себе. Мечтаеме за богатство и луксуз, не мислејќи дека тие се само привремени, а душата е она што треба да ни претставува најголемо богатство за кое треба да се грижиме.

Животни цитати кои ќе ве замислат

Еве неколку цитати кои ќе ве натераат убаво да размислите за некои работи во животот:

„На крајот, нема да биде важно колку пати длабоко сте воздивнале, туку колку моменти ви го одзеле здивот.“
– Шинг Шионг

„Кога животот ти дава сто причини за да плачеш, покажи му дека имаш илјадници причини за да се насмевнеш.“

„Никогаш не кажувај ги своите проблеми на никого. На 20% од луѓето не им е гајле, а на останатите 80% им е мило што ги имаш.“
– Лу Холц

„Биди тоа што си и кажувај го тоа што го мислиш бидејќи тие што ти замеруваат не се вредни, а оние кои не замеруваат се оние што навистина вредат.“
– Д-р Сеус

„Како што растеме, учиме дека личноста која никогаш не сме очекувале да нè разочара, веројатно ќе го направи тоа. Вашето срце ќе биде скршено, вие ќе скршите туѓи. Ќе се карате со вашиот најдобар пријател или можеби дури ќе се заљубите во него и ќе плачете бидејќи времето лета за миг. Затоа, направете многу слики, смејте се често, лесно опростувајте и љубете како никогаш да не сте биле повредени. Животот не доаѓа со гаранција, со време за одмор, со втори шанси. Треба само да го живеете во потполност. Кажете му некому што тој значи за вас и смело прекорете некој што ве разочарал или навредил, зборувајте гласно, танцувајте на пороен дожд, држете нечија рака во вашата, утешете пријател, заспивајте гледајќи го заоѓањето на сонцето, станувајте доцна наутро, флертувајте и смешкајте се додека не почувствувате болка на вашето лице. Не плашете се да ризикувате и да се заљубите, и најмногу од сè, живејте во моментот, бидејќи секоја секунда што ја трошите во лутина или вознемиреност е секунда од среќата која никогаш не можете да ја вратите назад.“

„Отсекогаш знаев дека сеќавањето на солзите од минатото ќе ме засмева, но никогаш не очекував дека сеќавањето на насмевките од минатото ќе направи да заплачам.“

„Работи како да не ти се потребни парите, љуби како никогаш да не си бил повреден и танцувај како никој да не те гледа.“
– Рендал Џ. Лејтон

„Совет е она што го бараме кога веќе го знаеме одговорот, но посакуваме да не сме го знаеле.“
– Ерика Јонг

„Кога една врата се затвора, друга се отвора. Но, често, толку долго гледаме жалејќи во затворената врата, што не можеме да ја видиме онаа која се отворила за нас.“
– Александар Грејам Бел

„Боли кога љубиш некого, а љубовта не ти е возвратена. Но, она што боли повеќе е да љубиш некого и никогаш да не собереш доволно храброст да му покажеш како се чувствуваш.“

„Најтажната работа во животот е кога ќе запознаеш некој што многу ти значи, за на крајот да сфатиш дека не сте биле створени еден за друг и едноставно мора да го пуштиш да замине.“

„Најдобар пријател е оној со кој можеш да се нишаш на нишалка во дворот, да не проговориш ниту еден единствен збор, а потоа да заминеш со чувството како тоа да бил најдобриот разговор што некогаш си го имал.“

„Точно е тоа дека не знаеме да цениме нешто додека не го изгубиме, но исто така е точно дека не знаеме што сме пропуштиле сè додека тоа не се случи.“

„Потребна е само една минута за некој ‘да ти падне во око’, еден час за да ти се допадне и еден ден за да се заљубиш, но потребен е целиот живот за да го заборавиш.“

„Не барај изглед – тој залажува. Не оди по богатството – и тоа еден ден ќе го снема. Барај некој кој те смее, бидејќи една насмевка  е сè што е потребно за мрачниот ден да стане светол.“

„Сонувај што сакаш да сонуваш, оди каде што сакаш да одиш, биди она што сакаш да бидеш, затоа што имаш само еден живот и една шанса да го направиш сето она што сакаш да го направиш.“

„Секогаш ставај ги своите нозе во туѓи чевли. Ако почувствуваш болка, најверојатно така се чувствува и личноста која е нивни сопственик.“

„Невнимателен збор може да поттикне раздор. Суров збор може да уништи живот. Искажан збор во даден момент може да предизвика стрес. Но, еден љубезен збор може да исцели и да благослови.“

„Најсреќните луѓе не секогаш го имаат најдоброто од сè во животот. Тие само го искористуваат максимумот од сè што им доаѓа на патот.“

„Љубовта започнува со насмевка, се развива со бакнеж, завршува со солза. Кога си се родил, си плачел, додека сите околу тебе се смееле. Живеј го животот така за кога ќе умреш, ти да бидеш оној што ќе се смее, додека сите околу тебе ќе плачат.“

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Читај на раат!

Поврзани содржини

  1. Мона Reply

    Браво за статијава. 😀 Тоа е тоа..вистината и реалноста во животот… 😀

  2. anna Reply

    nemam komentar,sto i sa kazam e malku bidejki da se e taka.

  3. lidija Reply

    mnogu dobri citati koi navistina zamisluvaat

  4. tanja Reply

    isponi gi godinite so zivot a ne zivotot so godini

  5. sasa Reply

    ODLICNO,SAMO NAPRED!

  6. s-lina Reply

    izlisen e sekoj zbor se e vistina lubov libov….ibozja vojla….

  7. Lidija Reply

    Zivotot e edna golema teatarska prestava so edna golema bina,a na nea mnogu glumci…..tie sto znaat dobro da glumat,ke preziveat… tie sto se losi glumci,e niv ke gi pregazi vremeto….i tesko deka ke opstanat….a pak tie sto stojat pozadi zavesa….i podobro taka….zatoa sto samo so prviot cekor na bina,ke gi zgazat…..pa videte sega dragi moi kade vi e mestoto…..!!!Popzlatanova Lidija

Остави коментар