Љубовта е...

Љубовта е…

Автор: Бојана Мандевска

„Таа љубов, така силна и треперлива, така нежна и така очајна.
Таа љубов, убава како ден и грозна како време.
Таа љубов, толку вистинска,
Таа љубов, толку прекрасна,
Толку среќна и весела,
Таа љубов толку очајна…“

– Жак Превер

Љубовта е...

Љубов, ах таа љубов, вечна загатка и неисцрпна инспирација. Најголем човечки двигател. Не постои мотив кој создава повозвишени чувства и предизвикува помрачни дејства во истовреме. За љубовта се војувало и се војува. За неа се урива и се создава. За љубовта се пее и се твори. За неа се пишувало, се пишува и таа засекогаш ќе остане најголема муза.

Многумина се обидувале да ја објаснат, дефинираат, но секогаш постои некој дополнителен збор, реченица која се надоврзува и  прави оваа тема да остане недообјаснета, недокажана. Или како што рекол Елин Пелин „ сè што ќе се каже за љубовта, сè е вистина“.

Љубовта е...

Еве неколку мисли за тоа што е љубовта и какви чувства таа предизвикува:

„Љубовта е страст.“ – Мохамед Бенс

„Во љубовта сè е ризик“. – Гете

„За љубовта најопасното нешто се отсуствата.“ – Бранислав Нушиќ

„Ако имаш љубов немаш потреба од ништо друго. Ако пак немаш, не е особено важно што друго имаш.“ – Џејмс Бари

„Во љубовта и во поезијата сè е речено, а сепак сè треба допрва да се рече.“ – Блаже Конески

„Ако ме терате да кажам зошто сум ја сакал, не можам да кажам ништо повеќе од тоа дека ТАА беше ТАА, а ЈАС бев ЈАС.“ – Монтењ

„Тој човек што го сакаш во мене природно е подобар од мене, јас не сум таков. Но, ти сакај ме, а јас ќе се потрудам да станам подобар од себе.“ – Михаил Прашвин

„Љубовта започнува со насмевки, расте со бакнежи и завршува со солзи.“ – непознат автор

„Да сакаш значи да ја откриеш сопствената среќа во среќата на другиот.“ – Лубниц

„Љубовта е кога една душа населува две тела.“ – Аристотел

„Љубовта е дете на восхитот и мајка на разочарувањето.“ – Мигел де Унамуно

„Знаеш дека е љубов кога не можеш да заспиеш бидејќи реалноста е многу поубава од сонот“. – непознат автор

Љубовта е...

„Љубовта која се потхранува со подароци е вечно гладна.“ – Англиска поговорка

„Љубовта е момент кој трае вечно.“ – Џули Вити

„Почетоците на љубовта најчесто се застрашувачки, а крајот вообичаено е тажен, но сè што се случува измеѓу, го прави животот вреден.“ – непознат автор

„Вљубеност е кога таа заспива на вашите раце, а се буди во вашите сни.“ – непознат автор

„Љубовта е радост за добрите, чудо за мудрите и восхит за боговите.“ – Платон

„Тоа што е недостижно за најголемиот ум, а е достапно за најмалото срце се вика ЉУБОВ.“ – Балзак

„Ја добиваме љубовта како дар, но љубовта е нежно растение. Не можеш само да го земеш и да го ставиш на врвот од некој шкаф со мисла дека тоа ќе цвета самото. Треба да го полеваш, да се грижиш за него, да го одгледуваш.“ – Џон Ленон

„Сексот ја убива напнатоста, љубовта ја создава.“ – Вуди Ален

„Кај мажите желбата раѓа љубов, а кај жените љубовта раѓа желба.“ – Џонатан Свифт

„Да сакаш некого значи да видиш чудо кое е невидливо за другите. Начинот да засакаш нешто е да си замислиш дека тоа можеш и да го загубиш.“ – Честертон

„Ако сакаме некого вистински, тогаш единственото нешто што ѝ го посакуваме на таа личност е да биде среќна, дури и ако ние не сме дел од таа среќа.“ – непознат автор

„Допирот на љубовта ги претвора луѓето во поети.“ – непознат автор



Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Читај на раат!

Поврзани содржини

  1. ана Reply

    ova e marioj di leva za tebe

Остави коментар