Претходно
Интересно откритие: Изгледа дека сите сопружници имаат слична ДНК
Што е тоа што ве привлекло кај вашиот брачен другар? Очите? Насмевката? Заедничките интереси? Што би рекле ако некаде прочитате дека ова ниво на сличност и привлекување е многу подлабоко, еве да речеме, на молекуларно ниво? Една нова студија која била спроведена од Универзитетот Колорадо-Булдер открила дека сопружниците всушност имаат ДНК која е многу слична. Послична ако ја споредите со случајно избрана личност.
Ова истражување вклучувало 825 парови чии геноми биле споредувани со оние на нивните сопружници, како и со геномите на случајно избрани 2 личности. Сѐ на сѐ, во оваа студија биле споредени околу 1,7 милиони геноми и тоа што се открило било неверојатно. Паровите меѓу себе имале многу слична ДНК во споредба со онаа на други случајно избрани испитаници.
„Познато е дека луѓето најчесто стапуваат во брак со личности кои се слични на нив,“ вели Бенџамин Доминик, водечкиот автор на студијата. „Но, се поставуваше прашање дали истото се случува и на ниво на генетиката.
Кога станува збор за изборот на партнерот според генетиката, постои една честа претпоставка според која овој избор настанува случајно. Но, ние веќе знаеме дека тоа не е вистина затоа што луѓето скоро секогаш имаат одредени критериуми кои ги следат во нивната потрага.
Понатамошните истражувања во ова поле ќе можат да овозможат подетални податоци. Во секој случај, веќе е познато дека при изборот на партнерот голема улога играат едукацијата и економската позадина. Оние кои се со високо образование и кои заработуваат повеќе имаат тенденција да бараат партнери кои исто така имаат високо образование и поголема плата. Но, сега на оваа листа може слободно да се додаде и нашата ДНК. Според добиените резултати, истражувачите велат дека генетското одбирање на партнерот објаснува околу 10% од целиот избор.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
