Претходно
Рецепт за вкусен и едноставен чоколаден колач без брашно
Ви споделуваме вкусен рецепт без брашно и печење за чија подготовка ви се потребни само неколку состојки и едно празно тетрапак пакување од млеко или сок.
Потребни состојки:
- 500 милилитри млеко (за вегани може и млеко од соја)
- 100 грама шеќер (или засладувач по желба)
- прстофат сол
- 30 грама (2 лажици) какао во прав
- 90 грама темно чоколадо
- 20 милилитри вода
- 10 грама растителен желатин
- кокосово брашно за декорација
- празно тетрапак пакување
Начин на подготовка:
1. Во тенџере истурете 400 милилитри млеко, додадете 100 грама шеќер и прстофат сол и оставете да се варат на тивок оган.
2. Во друг сад измешајте 100 милилитри млеко и 30 грама какао во прав. Промешајте и додадете ги во тенџерето. Потоа додадете 90 грама темно чоколадо.
3. Промешајте го желатинот со 20 милилитри вода и додадете ја смесата во тенџерето.
4. Добиената смеса истурете ја во тетрапак пакувањето и оставете ја да отстои во фрижидер околу 2-3 часа.
5. Кога ќе се олади, извадете го десертот од пакувањето и посипете со какао или кокосово брашно. На здравје!
Откако го прочитавте нашиот денешен предлог за вкусен, едноставен десерт, можеби ќе сакате да го прочитате и рецептот за здрав десерт без шеќер, готов за 10 минути.
Извор: atma.hr
