Необични описи на љубовта кои ќе ви го стоплат срцето

Постојано слушаме дека љубовта е одговорот на сите прашања и лекот за сите маки и тегоби. Дека ја има насекаде и дека е повеќе од потребна за да преживееме како вид. Велат дека само љубовта е достоен противник на сите проблеми и дека само таа може да преживее сѐ, па во продолжение прочитајте ги овие 25 чудни реченици кои совршено ја опишуваат моќта на љубовта.

25 чудни начини да ја опишете љубовта кои ќе ви го стоплат срцето

1. Љубовта е како сладолед. Има толку многу видови кои можете да ги изберете, но нема ништо позадоволително од вашиот омилен вкус.

2. Љубовта е како мамурлак. Болката од неа можете да ја жалите само ако претходно немате одлични искуства за споделување.

3. Љубовта е како танцувањето. За да научите како да играте треба да се ослободите од сите грижи за тоа колку смешно може да изгледате во процесот.

4. Љубовта е како велосипед. Ќе ви требаат помошни тркала сѐ до оној момент додека не сфатите дека ако верувате во себе можете да возите низ животот на само две тркала.

5. Љубовта е како молив. Многу е корисна, но само ако редовно ја острите.

6. Љубовта е како компјутер. Можете редовно да сметате на неа, знаејќи дека е можно да се случат неколку грешки кои ќе ве полудуваат додека не научите како да се ослободите од нив.

7. Љубовта е како хит песна. Ќе ви се врти низ главата, дури и во оние моменти кога ќе ви стане досадна, но кога неочекувано ќе почне на радио, вие ќе се насмеете и ќе си потпевнувате.

8. Љубовта е како стаклена вазна. Кога еднаш ќе се скрши, невозможно е повторно да се наредат парчињата заедно без да се повредите во процесот.

9. Љубовта е како празен дневник кој чека да биде пополнет со мисли, цитати, сеќавања, тајни и смешни цртежи. Но, сите вистинити.

10. Љубовта е како тег за вежбање. Најпрвин, ќе ви изгледа многу тежок, но со вежбањето на мускулите ќе станете посилна личност.

11. Љубовта е како култ. Никој друг не може да ја разбере освен оние кои ѝ се посветени.

12. Љубовта е како суши. Можеби ќе ви изгледа странско и непознато на почетокот, но откако еднаш ќе ја пробате ќе останете доживотен фан.

13. Љубовта е како вино. Колку што е постара, толку е и повкусна. Но, немојте да бидете изненадени ако најдете ситни делчиња од тапата или парчиња седименти кои пливаат во неа.

14. Љубовта е ајпод со само една песна на него. Потрудете се таа да биде добра.

15. Љубовта е миризлива свеќа без дно која прави воздухот да мириса на прекрасни ароми. Само треба да внимавате огнот да не се угасне од восокот кој се топи околу него.

16. Љубовта е како шолја кафе. Понекогаш е многу жешка, понекогаш е многу ладна, но многу ретко се сервира кога е млака.

17. Љубовта е како пот. Се произведува со причина, па помислете два пати пред да ја избришете.

18. Љубовта е како вртелешка. Најпрвин не сте доволно возрасни за да се возите, но кога ќе пораснете и конечно ќе видите за што станува збор, можеби нема да сакате да се качите уште еднаш.

19. Љубовта е како кислород. Потребна ви е за да преживеете, но не знаете добро да ја објасните.

20. Љубовта е како библиотека. Редови и редови книги чекаат да бидат прочитани, но многу ќе страдате ако не го прифатите фактот дека едноставно денот нема доволно часови за да ги прочитате сите.

21. Љубовта е како кромид. Ја има моќта да ве расплаче, но вие и понатаму продолжувате да ја сечете.

22. Љубовта е импресионистичка слика. Од далеку изгледа совршено, но со подетална инспекција се докажува дека нејзината убавина доаѓа од внимателната композиција на заматените форми.

23. Љубовта е како облакодер кој е силен и стабилен додека не е во опасност. Тогаш, сите негови ранливи и слаби точки, кои биле присутни уште од самиот почеток, стануваат видливи.

24. Љубовта е како лимон. Малку кисел, но сепак задоволителен.

25. Љубовта е бескрајна загатка која се обидувате да ја решите. Иако сте свесни дека всушност не постои решение.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Новинар. Самопрогласен актер. Џедај. Животна форма еволуирана да живее од филмови, видеоигри, музика, хумор и технологија. Хоби и рекреација: Појадок, ручек, вечера.

Поврзани содржини

Остави коментар