Како до чисти пори и изедначен тен? Користете магдонос

Затнатите пори се причина за барем половина од проблемите поврзани со вашето лице. Постојат различни начини да ги исчистите порите, а трикот со магдонос е еден од нив. Овој зеленчук може да ви послужи за правење на едноставни домашни третмани благодарение на кои ќе можете да ги исчистите вашите пори на природен начин.

Магдоносот е растение што има својство да ги стеснува порите, притоа туркајќи ги токсините и останатите нечистотии што ги затнуваат.

Како до чисти пори и изедначен тен? Користете магдонос

Еве неколку начини за да ги искористите предностите на овој зеленчук:

Откако ќе ги измиете свежите ливчиња магдонос, потопете ги во врела вода. Оставете ги да отстојат внатре додека водата не се излади. Потоа во чајот од магдонос потопете памучна крпа и со неа прекријте го лицето 10-15 минути. Оваа постапка повторувајте ја секој втор ден.

Друг начин за да го искористите лековитото својство на магдоносот е со парење на лицето. Парењето на лицето е неопходен метод за време на професионалните козметички третмани бидејќи после тоа кожата е мека и порите се чистат многу полесно.

Во тенџере со врела вода ставете грст свеж магдонос кој претходно сте го исечкале. Поставете го лицето над тенџерето и покријте се со пешкир додека водата со магдонос испарува (исто како за време на настинка).

Лековитата пареа треба да ви го допира лицето околу 10 минути. После тоа, кожата е мека, порите се отворени и подготвени за длабинско чистење.

За дополнителна нега, проверете ги и овие масажи што се прават секојдневно за одржување на цврстината на кожата на лицето.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот

Поврзани содржини

Остави коментар