Едноставни вистини кои и паметните луѓе ги забораваат

Едноставни вистини кои и паметните луѓе ги забораваат

И многу паметните луѓе понекогаш забораваат на основните работи кои можат да им помогнат да успеат. Ова се некои од нив.

ednostavni-vistini-koi-i-pametnite-lugje-gi-zaboravaat-kafepauza.mk

1. Со образованието и интелигенцијата не се постигнува ништо ако не се делува

Не е важно колкав IQ имате ниту кој степен на образование го имате завршено. Доколку не преземете ништо, нема да напредувате. Голема е разликата помеѓу тоа да знаете како нешто да направите и фактички да го направите. Дури и оние кои не знаат како нешто да направат ќе успеат по неколку обиди, а дури и да знаете, ако не делувате, нема да успеете.

2. Среќата и успехот се две различни работи

Кога некој премногу се концентрира на една работа, другите му постануваат помалку важни. Но, во еден момент, кога ќе се сврти, ќе сфати дека тоа не е доволно. Затоа важно е да не запоставувате една работа на сметка на друга. Немојте да се концентрирате само на работата, одвојте време за пријателите, семејството, за вашето хоби, за себе…

3. Мора да знаете да го презентирате она што го знаете

…а не само да чекате другите тоа да го сфатат. Без разлика на работното место, обидете се да изгледате како да ги имате потребните вештини во малиот прст. Знаете ли да се презентирате? Покажете што можете и направете го тоа.

3. Кога има премногу избори потешко се донесуваат одлуки

Денес информациите се брзо и едноставно достапни и нудат многу избори. Но, ако немате цел кон која тежнеете, ќе се изгубите во изборите. Мора да знаете која е вашата кариерна цел, во која насока сакате да се усовршувате и да ги избирате активностите во таа насока. Усовршувањето во премногу области само ќе ви го губи времето.

4. Сите понекогаш успеваат, а понекогаш не

Во некој момент на некој му оди подобро, на друг полошо. Но, тоа не значи дека неговиот избор е подобар и дека треба да го копирате. Пречестото менување на одлуките никогаш не е добро.

5. Не треба сè да правите совршено

Можеби знаете дека можете да направите нешто совршено, но обидувајќи се да дојдете до тоа ниво ќе изгубите премногу време. Мора да научите да ги оптимизирате ситуациите, а тоа значи да ја доведете задачата до ниво до кое вложеното време дава резултати. Кога за нешто ви треба премногу време за малку да го подобрите, можеби е време да ја смените задачата. Иако мислите дека ќе ве пофалат доколку нешто направите најдобро, може всушност и да добиете критика бидејќи некој друг завршил повеќе свои задачи доволно добро, а вие само една. Разликата во квалитетот е видлива само за вас.

6. И грешките кои ги правите се напредок

Посебно ако не сте можеле да направите нешто поинаку. Не за џабе се вели: Од грешките се учи.

7. Луѓето можат да бидат исклучителни и во работите кои не ги сакаат

Често се мисли дека само правејќи ги работите кои навистина ги сакаме можеме да бидеме навистина добри во тоа. Факт е дека всушност многу луѓе можат да бидат добри во она што не го сакаат. Освен тоа, многу луѓе, кога ќе навлезат во некоја работа, сфаќаат дека не е таква каква што си ја замислувале, па во неа пронаоѓаат многу интересни работи кои воедно знаат да ги сработат совршено. Немојте да бидете категорични со негативен став кон нешто во што не сте се ни обиделе.

8. Проблемите кои ги имаме со другите често повеќе говорат за нас одошто за нив

Многу често проблемите со другите луѓе на работа, но и со пријателите, познаниците, партнерот, семејството, соседите, говорат повеќе за нас одошто за нив. Начинот на кој им пристапуваме на луѓето и начинот на кој ги доживуваме е наш личен став, не е објективен. Можеби некои постапки ве асоцираат на нешто од минатото, можеби имате предрасуди кои влијаат на вашата перцепција.

Кога чекате негде ред ќе забележите дека има луѓе кои тоа сосема нормално го прифаќаат, а можеби имаат и повеќе обврски од другите, и личности кои се многу нервозни, се бунат и реагираат. Иако обете реакции се поврзани со чекање, начинот на кои личностите реагираат говори многу за нив, а не за проблемот со чекањето.

9. Емотивните одлуки ретко се добри

Воглавно одлуките донесени во изразено емотивна ситуација не се добри. Тогаш луѓето тешко ги согледуваат фактите, па реагираат импулсивно и емотивно. Посебно кога се работи за работа, немојте да дозволите емоциите да влијаат на вашата интелигенција, ниту да ја засенат објективната состојба на работите.

10. Никогаш нема да бидете 100% спремни за приликите кои се пред вас

Мора да знаете кога сте доволно спремни да преземете некои обврски, но не чекајте да бидете целосно спремни. Чекањето на совршениот момент може да биде подеднакво лошо како и нечекањето на погодниот. Но, тоа не значи дека треба да прифатите сè што е пред вас без малку да размислите, бидејќи не знаете дали и кога ќе се појави подобра прилика. Најважно е да процените дали приликата е доволно добра, односно дали сте вие доволно спремни за неа.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Читај на раат!

Поврзани содржини

Остави коментар