Вежбајте дома: Брзо и едноставно затегнување на мускулите на нозете

За овие вежби ви се потребни само малку време и трпение и многу брзо ќе имате затегнати мускули на нозете без да треба да одите во теретана. Со следниве 3 вежби можете многу брзо и едноставно да ги затегнете вашите мускули на нозете и доколку ги комбинирате со редовни прошетки, брзо одење и возење велосипед, за кратко време ќе забележите одлични резултати.

Вежбајте дома: Брзо и едноставно затегнување на мускулите на нозете

1. Истегнување на нозете

За оваа вежба потребно е да го исправите грбот, да го затегнете стомакот и да ги ставите дланките зад главата. Потоа качете се со едната нога на степер (или скала), а другата подигнете ја странично колку што можете. Повторете 15 до 20 пати, а потоа сменете ја ногата.

2. Половични клекнувања

Поставете ги двете стапала во иста линија и испружете ги рацете пред телото, спуштајќи ги колената надолу. Внимавајте колената и бедрата да ви бидат паралелни со подот. Оваа вежба повторувајте ја 3 минути.

3. Скок, па клекнување

Застанете покрај степер (или скала) и благо раширете ги нозете. Потоа скокнете врз него и свиткајте ги нозете за да застанете во клекната положба. Вратете се назад. Повторувајте ја вежбата од 10 до 15 пати, притоа внимавајќи вашите нозе да бидат во иста ширина како колковите. По првата серија од оваа вежба, одморете се неколку минути и потоа повторете уште 15 пати.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар