Ако додадете една од овие 5 состојки во пирето од компири, ќе добиете вкусен специјалитет

Пирето од компири е најчест додаток на месото, се подготвува едноставно и брзо и речиси не постои некој што може да му одолее. Но, ако класичното пире веќе ви е здодевно, тогаш збогатете го со неколку состојки и претворете го во мало кулинарско ремек-дело. Пирето од компири зготвено на еден од следните пет начини збогатено со богата, разнобојна салата може да биде и главно јадење.

Ако додадете една од овие 5 состојки во пирето од компири, ќе добиете вкусен специјалитет

1. Карамелизиран кромид и сланина

Подгответе го кромидот така што ќе го исечкате на кругови, а потоа додајте путер и оставете го да се пржи околу 30 до 40 минути на многу ниска температура. Потоа исечкајте ја сланината на парчиња и испржете ја во малку масло или путер. Додајте ги двете состојки во пирето и ќе добиете фантастичен спој на сладок и солен вкус.

2. Павлака, кромид и праз

Пред да ги изгмечите компирите, додајте малку путер и млеко, една чаша павлака, сол и пипер. Измешајте, а потоа додајте грст ситно сечкан праз и малку запржен кромид. Резултатот ќе биде сочно пире со многу специфична и необична арома.

3. Песто сос и пармезан

Љубителите на тестенини знаат колку може песто сосот да биде ефективен и да го збогати вкусот на некои специјалитети, па зошто да не го пробате и со пире од компири? Прелијте го пирето со песто сос, а врз него изрендајте малку пармезан.

4. Чили и сирење

Ако сакате лута и зачинета храна, оваа комбинација особено ќе ве израдува. Додека пирето е сè уште топло, изрендајте гауда или тврдо сирење по желба и додајте две сечкани чили пиперки. Добро промешајте и очекувајте „злобен“ вкус.

5. Јаболка

Можеби мислите дека оваа комбинација е невозможна, но всушност кисело-слаткиот вкус на јаболката совршено се вклопува со кремастиот, солен компир. Излупете ги јаболката, исечкајте ги на парчиња и пржете ги во путер додека да добијат златна боја. Испржените парчиња јаболка ставете ги на дното на чинијата и врз нив сервирајте го топлото пире од компири.

Прочитајте го и овој едноставен трик за да не ви поцрнат компирите.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар