Претходно
5 одлични комбинации за летните фестивали
Датум: 17 мај 2014
Коментари: 0
Доаѓа лето, дали веќе имате план кои фестивали и концерти ќе ги посетите во и надвор од земјава? Како што наближува сезоната за настани на отворено, ви нудиме 5 супер комбинации за такви пригоди.
1. Хипи девојка
Цветните корсети и летните концерти се како создадени едни за други. Искомбинирајте цветен корсет со фармерски кратки пантолончиња со висок струк и лесна наметка за да ве штити од вечерниот ветар. Комбинацијата завршете ја со ниски отворени сандали, ранец и ленти за коса во хипи стил.
2. Макси фустан и цветна круна за женствен и впечатлив изглед
Оваа комбинација е совршена за девојките кои сакаат да бидат женствени без оглед на каков настан присуствуваат. За повпечатлив изглед одберете макси фустан кој одлично оди во комбинација со цветни аксесоари за коса како впечатлива цветна круна. Дополнете го изгледот со сандали на полна плута и еднобојна торба за преку рамо.
3. Кул девојка
Овој изглед е за смелите девојки кои можат да носат кич парче облека или аксесоар и пак да изгледаат кул. Одберете ги најлудите хеланки кои ги имате, за оваа пригода одлични се флуоресцентните, и искомбинирајте ги со смела маичка со натпис и спортски обувки. За крај, одберете впечатлива капа и шарена торбичка за околу половина.
4. Ретро рок ѕвезда
Искомбинирајте секси кратки пантолончиња, маичка со рок натпис и старки. Завршете го изгледот со чанта во индијански стил и марама за коса.
5. Индијана Џонс стил
Фустан со цветен дизајн и тексас елек се совршена комбинација која може да ја надополните со плетен шешир, ранец и рамни сандали.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
