Најубавите плажи на Балканот

За да уживате во прекрасните плажи и егзотичните морски пејзажи нема потреба да патувате далеку. На Балканот се наоѓаат прекрасни места на кои навистина треба да им обрнете внимание. Јадранското, Јонското, Егејското и Црното Море го опкружуваат Балканскиот Полуостров и создале некои навистина неверојатни места.

1. Плажа Навагио, Закинтос, Грција

Најубавите плажи на Балканот

Ова е најпознатата плажа на Закинтос. Има навистина препознатлив изглед и речиси секој има видено фотографија од неа. Опкружена е со високи карпи, има ситен бел песок, а водата е неверојатна. Најдобро е да ја посетите рано наутро кога нема многу туристи.

2. Плажа Велека, Синеморец, Бугарија

Најубавите плажи на Балканот

Оваа плажа се наоѓа на брегот на Црното Море. Рамна е, има бел песок и опкружена е со зеленило. Недалеку од неа има место за кампување. Атмосферата е мирна и релаксирачка, па ова е одлично место за оние кои сакаат да лежат на плажа по цел ден. Покрај чадорите и лежалките, на плажата ви се достапни коктели и храна од баровите.

3. Кралска плажа, Црна Гора

Најубавите плажи на Балканот

Ова е една од најубавите и најлуксузните плажи во Црна Гора. Името го добила по кралицата Марија Караѓорѓевиќ и изгледа како место достојно за кралско семејство. Долга е 120 метра и е скриена помеѓу маслинки и борови кои ѝ даваат тиркизна боја на водата. За жал, оваа плажа е достапна само за оние кои отседнуваат во луксузните хотели во близина и нејзината посета може да ве чини многу.

4. Дримадес, Дерми, Албанија

Најубавите плажи на Балканот

Во малиот залив крај селото Дерми, на југот од Албанија, се наоѓа можеби најубавата плажа во државата. Погледот е неверојатен, а за ноќните забави задолжени се коктел баровите.

5. Плажа Кијикој, Кркларели, Турција

Најубавите плажи на Балканот

Ако сакате плажа со помалку туристи, оваа е совршена за вас. Се наоѓа до истоименото село во северозападна Турција. Плажата е опкружена со прекрасни шуми, а овде расте и еден редок вид црн бор.

Aко сакате малку поразличен одмор, погледнете ги најнеобичните плажи ширум светот.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар