8 јадења кои морате да ги пробате доколку се најдете во Италија

Дали постои некој во ваша близина кој не обожува италијанска храна? Не. Така и си мислевме! Не постои човек кој не обожува пица. Италија овозможува безброј гастрономски опции, па затоа издвоивме неколку јадења кои морате да ги пробате доколку некогаш се најдете во оваа земја.

8 јадења кои морате да ги пробате доколку се најдете во Италија

Секако, пицата се подразбира како број 1 јадење што мора да го пробате во Италија, па затоа ја изоставивме и се фокусиравме на некои други видови јадења кои не можете да ги замислите, а се многу вкусни!

1. Bigoli

8 јадења кои морате да ги пробате доколку се најдете во Италија

Мислите дека шпагетите се вкусни? Тогаш не сте пробале биголи, вид шпагети кои се специјалитет во Венеција, а се малку подебели од обичните шпагети и најчесто се приготвуваат во мешавина со патка.

2. Ribollita

8 јадења кои морате да ги пробате доколку се најдете во Италија

Сите ја обожуваат оваа „зимска“ супа која потекнува од Тоскана. За да го подготвите ова традиционално јадење потребна ви е комбинација од зеленчук (кељ и домат), грав и стар леб. По желба можете да додадете месо или риба, но доколку сакате да се придржувате до оригиналниот рецепт, тогаш изоставете ги месото и рибата. Ова јадење е одлично за да си ја вратите силата по долгата прошетка и разгледувањето на градот.

3. Risi e bisi

8 јадења кои морате да ги пробате доколку се најдете во Италија

Ова јадење е направено од ориз и грашок, и не е софистициран оброк, но е многу вкусен. Состојките се зготвени во супа од зеленчук, а резултатот е убаво балансирано и лесно јадење, кое е омилено помеѓу вегетаријанците.

4. Tortellini en Brodo

8 јадења кои морате да ги пробате доколку се најдете во Италија

За многу од семејствата во северна Италија, тортељините ен бродо се задолжително јадење за секоја пригода. Се послужуваат во крем сос и ситно рендан пармезан.

5. Canederli

8 јадења кои морате да ги пробате доколку се најдете во Италија

За да го приготвите ова јадење, потребен ви е стар леб, јајца, млеко и месо. Овие зачинети топчиња се преливаат во бистра супа, а се слични со нашите ќофтиња, само со помалку месо.

6. Ossobuco alla milanese

8 јадења кои морате да ги пробате доколку се најдете во Италија

Доколку морате да пробате јадење со месо во Италија, тогаш тоа нека биде особучо. Превкусно телешко месо зготвено во вино.

7. Cacciucco

8 јадења кои морате да ги пробате доколку се најдете во Италија

Не сте личност која обожува риба? Ова јадење ќе го промени вашето мислење. Зачинетата морска храна се поврзува со местото Ливорно, а школките, ракчињата и октоподот во сос од домати е нешто на што нема да можете да одолеете.

8. Focaccia di recco

8 јадења кои морате да ги пробате доколку се најдете во Италија

Овој едноставен рецепт кој се нарекува фокача, е ароматична погача која одлично оди со маслиново масло и сирење.

Погледнете ја и одличната храна која треба да ја пробате во Грција.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент по Македонски јазик и книжевност. Кога не пишува - чита, и обратно. Сигмунд Фројд, нејзините миленичиња, цртани, Фреди Меркјури, стари предмети и Мото ГП.

Поврзани содржини

Остави коментар