Претходно
Зимска инспирација од модната сцена: Весели бои, шарени комбинации
Без разлика што за ваквото време карактеристична е темната палета на бои, на последните неколку модни недели дизајнерите успешно ги вметнаа и поживите нијанси во нивните зимски колекции. Пробајте ги ваквите модни комбинации за да создадете тренди и свеж изглед како од модните писти.
1. Вишна и портокалова
Портокаловата боја е задолжителна за есента, но успешно се транзиционира и во зимата. Црпете инспирација од брендовите како Акне кои акцентот во нивната колекција го ставија на портокаловата, но со многу необичен спој, како што е бојата на вишна.
2. Сина и сива
Сината и сивата се елегантна комбинација од бои кои се одлични за на работното место. Иако морнарско и кралско сината се сигурни нијанси, дизајнерите како Метју Вилијамсон и Баленсијага целат кон посветли нијанси како небесно и кобалт сина.
3. Морнарско сина и црвена
Уште една моќна комбинација од бои е и морнарско сината со црвената. Џил Сандер и Карвен се само неколку од звучните дизајнерски имиња кои ги инкорпорираа ваквите бои во нивните колекции.
4. Крем и розова
Пастелните нијанси се голем хит во летните месеци, но оваа сезона тие станаа уште помодерни. Додека повеќето дизајнери ги избираат потемните нијанси од спектарот, звучните имиња како Клои и Џил Сандер ги вметнаа пастелните нијанси во зимските ревии.
5. Црна и бела
Класична комбинација совршена за секое годишно време. Ваквите комбинации беа забележени на ревиите на Александар Венг, Филип Лим и Проенза Шулер.
6. Розова и жолта
Колекцијата на Дијан вон Фурстенбург е доказ дека оваа сезона во центарот на вниманието се веселите бои. Женственото дуо составено од розова и жолта дефинитивно ја разбиваат монотонијата на темните бои карактеристични за студеното време.
7. Виолетова и црна
Емпорио Армани и Ердем се само неколку од брендовите кои го искористија ваквиот спој на бои. Овие имиња успешно ги споија безвременската црна боја и живата виолетова нијанса. Ваквата комбинација носи возбуда на вообичаениот конзервативен изглед.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
