Претходно
Фризура за излегување после враќање од плажа
Кога сме на одмор сакаме да го искористиме максимално времето за целосно уживање. Тоа подразбира долго седење на плажа, слатки подготовки за вечерно излегување и забавување до раните утрински часови. Со оваа фризура ќе изгледате впечатливо, а ќе ја направите за околу 5 минути.
Потребни работи:
- Лак за коса
- Мус или друг препарат за волумен
- Спреј за сјај или кондиционер за после миење
- Сув шампон
- Чешел, шнолички за прицврстување и штипки
1. Најпрво на косата нанесете комбинација од продукти за волумен и за сјај, при што за летниот период препаратите задолжително треба да имаат и заштитно својство при изложеност на сонце. Не ставајте премногу од препаратите доколку косата ви е добра, а ставете повеќе ако имате густа или природно виткана коса. Откако ќе ги нанесете продуктите, исушете ја природно или туткајте ја додека ја сушите со фен, но со најслаб интензитет или пак употребете дифузер.
2. Почнете со издвојување на длабок страничен дел од едната страна.
3. Издвојте го остатокот од косата кој треба да почнува од круната до зад увото. Фатете го страничниот дел од косата и тргнете го настрана со штипка.
4. Задниот дел подигнете го во високо опавче. Извлечете ја целата коса и зацврстете го ластичето.
5. Ослободете го страничниот дел од косата и направете лабава, неуредна француска плетенка. Насочувајте ја кон задниот дел од увото и сплетете ја докрај.
6. Со прстите подигнете ја плетенката на врвот на главата и прицврстете ја со шнолички. Ова ќе ѝ даде поопуштен изглед и повеќе волумен.
7. Прицврстете ја средината од плетенката за главата. Потоа нанесете сув шампон на остатокот од косата фатен во опавче и истапирајте го.
8. Замотајте ја косата од опавчето околу основата и пикнете ги врвовите под пунџата прицврстувајќи ги со шноли.
9. Замотајте ја плетенката околу основата на пунџата и прицврстете ја.
10. Завршете ја фризурата нанесувајќи лак за коса и поправајќи ја пунџата со прстите додека да добие совршен изглед.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
