Претходно
Топол алкохолен пијалак од јаболко со путер и рум
Со историја која се протега назад до колонијалните времиња во Америка, топлиот рум со путер е класичен пијалак за зимскиот период. Традиционално се прави со путер, шеќер, темен рум и зовриена вода, кои едноставно само се ставаат во шолја и се мешаат – иако на овој начин путерот често се одделува од останата смеса, оставајќи мрсен вкус.
За среќа, постојат неколку едноставни чекори кои можат да го трансформираат овој стандарден пијалак во извонредно алкохолно задоволство кое е совршено за ладното време. Со употреба на миксер за да се измешаат путерот и шеќерот заедно со зачините како морско оревче, цимет и каранфилче, пијалакот станува похомоген, без да се чувствува маснотијата од путерот. Исто така, бидејќи тој е направен од шеќер, путер и рум, не е нешто невообичаено, па може да одиме чекор напред со додавање јаболков сајдер наместо вода. Коктелот што се добива има повеќеслојна и попривлечна слаткост.
Топол сајдер од јаболко со рум и путер
Потребни состојки за една шолја:
- 1 лажица ладна смеса со путер (рецептот е подолу)
- 45 милилитри темен рум
- 120 милилитри топол јаболков сајдер
- Стапче цимет за декорација
Начин на подготовка:
Ставете го путерот на дното од шолјата, па потоа додадете го румот. На крај сипете го топлиот јаболков сајдер и полека мешајте. Украсете со стапче цимет и послужете веднаш.
Смеса со путер
Потребни состојки за 12 пијалаци:
- 8 супени лажици путер, чуван на собна температура
- 200 грама кафеав шеќер
- 1 кафена лажичка цимет
- ½ кафена лажичка морско оревче
- ½ кафена лажичка каранфилче
- Прстофат морска сол
Начин на подготовка:
Во голем сад, со миксер изматете ги заедно путерот, кафеавиот шеќер, зачините и морската сол. Мешајте сè додека смесата не стане хомогена и мазна. Направете мали парчиња од смесата, завиткајте ги во пергамент хартија и оставете ги 1 час да се оладат.
