Нов летен тренд на фризура: Дали сте чуле за „секстура“?

И не е баш некоја голема новост за тоа дека постои врска помеѓу сексуалниот живот и добрата фризура. Овој нов тренд е надградување на прославената „бушава“ фризура, односно фризурата која наликува на онаа кога наутро ќе станете од креветот. Меѓутоа, за постигнување на „секстура“ воопшто не ви е потребен маж. Станува збор за изглед кој како да е создаден за летото и цело време ни бил пред носот, а неговиот најдобар сојузник е, верувале или не, потта!

1-nov-trend-vo-frizurite-na-poznatite-dami-dali-znaete-shto-e-toa-sekstura-www.kafepauza.mk_

Без разлика на тоа каков тип коса имате, сè се врти околу несовршената и разбушавена коса – секси, неуредно и во прамени. Во прашање е потполно спротивен изглед од дефинираните бранови и уредните локни, а изгледа како фризурата која ја имаме после капењето во море или потењето на летната горештина.

2-nov-trend-vo-frizurite-na-poznatite-dami-dali-znaete-shto-e-toa-sekstura-www.kafepauza.mk_

Постојат два начини на кои можете да му пристапите на овој тренд, во зависност од тоа дали сакате да ја нагласите својата природна текстура или со помош на пресата за коса или фигаро да креирате изглед кој ќе делува како да сте се валкале по сено.

Чистата, мокра коса лесно попрскајте ја со лак за коса и оставете ја да се исуши по природен пат, па потоа разбушавете ја со прстите. Ова фризура можете да ја направите и на немиена коса, со помош на шампонот за суво миење кој ќе го напрскате од средина кон краевите и ќе го обликувате со помош на прстите.

3-nov-trend-vo-frizurite-na-poznatite-dami-dali-znaete-shto-e-toa-sekstura-www.kafepauza.mk_

Доколку ви е подобро да користите преса или фигаро, клучот е во тоа да избирате поголеми прамени и да внимавате локните да не изгледаат премногу уредно. Откако ќе завршите со виткањето, прочешлајте ги локните со прстите и попрскајте ги со лак за коса.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар