7 парчиња облека кои одговараат на секој облик на тело

7 парчиња облека кои одговараат на секој облик на тело

Честопати ќе наидеме на парче облека кое ни се допаѓа, но не ни е погодено според обликот на телото. Можеби изгледа како секоја облека да е скроена за одреден тип, но не мора да значи. Ова се 7 парчиња облека кои му стојат добро секому без разлика на обликот на телото или килограмите.

1. Асиметрични сукњи

Го нагласуваат струкот, покриваат дел од нозете за да не се чувствувате претерано разголени, прават да изгледате визуелно послаби, и секако изгледате секси, но со вкус. Асиметричните сукњи се секогаш добар избор.

7 парчиња облека кои одговараат на секој облик на тело

2. „Моторџиски“ јакни

Доколку се одлучите за црни и кожни, одите на „опасната“ варијанта, а црното совршено ќе ви прилега доколку имате некој килограм плус. Но сепак може да ги најдете во многу различни бои и дезени. Одберете струкирани со страничен патент за истакнување на струкот и вашата женственост.

7 парчиња облека кои одговараат на секој облик на тело

3. Метални колани

Доказ дека само еден аксесоар може да промени многу нешта. Без разлика кој број облека носите, металните колани ќе ви стојат одлично. Привлекуваат внимание, разбиваат монотонија и го нагласуваат струкот. Само внимавајте да не го затегнете појасот повеќе отколку што треба. Кога ќе почнете да се чувствувате неудобно знајте дека најверојатно изгледате токму така.

7 парчиња облека кои одговараат на секој облик на тело

4. Целосни костими

Спаѓаат во групата на облека која изгледа катастрофално на закачалка, но кога ќе ја облечете сфаќате колку добро ви стои. Во зависност од моделот може да прикрие килограми или визуелно да „создаде“ облини. Доколку имате форма на јаболко или песочен часовник одберете широк и лелеав костим во горниот дел од телото, а доколку имате форма на круша или банана одберете тесен, по можност без прерамки.

7 парчиња облека кои одговараат на секој облик на тело

5. Маички со „гол стомак“

Може да ви звучи како неточно или глупаво, но ваквите маички навистина секому му одговараат доколку се комбинират со панталони или сукњи со висок струк. Тие се одличен сојузник кој ќе ви помогне да ја истакнете женствената силуета.

7 парчиња облека кои одговараат на секој облик на тело

6. Чизми до глужд

Изборот на чизми е поврзан со вашата висина. Доколку сте пониски а одберете чизми до колена може да изгледате како мачорот во чизми. Чизмите до глужд се универзални без разлика на висината или вашата перцепција за изгледот на вашите нозе.

7 парчиња облека кои одговараат на секој облик на тело

7. Фустани со исцртани форми

Ваквите фустани се како магични, просто како да имаат визуелни ефекти. Ако сакате да постигнете истакнување на облините одберете форма која наликува на песочен часовник, доколку пак сакате обратен ефект тогаш одберете форма со прави линии.

7 парчиња облека кои одговараат на секој облик на тело

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Слободното време го минува со голема шолја кафе и со добра книга во рака или пишувајќи го она што ѝ лежи на душата. Не може да поднесе неправда и негува емпатија кон луѓето. Како перфекционист опседнат да даде сè од себе, сонува да направи промена во светот околу неа. Креативна и желна за нови предизвици, со многу нови соништа секој ден, иако понекогаш плашлива од промена. По малку романтична со голема љубов кон англиските книжевни класици.

Поврзани содржини

  1. Христина Reply

    Маички со гол стомак – стојат добро секому без разлика на обликот на телото или килограмите. Како да не.

    • Кафе пауза Reply

      Гол стомак не случајно е во наводници. Не мора буквално да се гледа стомакот. Се мисли на кратки блузи, кои може да се и широки и тесни и кога се добро искомбинирани, да изгледаат добро и на послаби и на покрупни девојки.

Напиши одговор на Христина Откажи одговор