7 одлични причини зошто треба секојдневно да јадете мандарини

Богати се со витамин Ц, го штитат нашиот имунитет во сезоната на настинки, ни помагаат во одржувањето на витката линија и како дополнителен плус се многу вкусни. Секако, станува збор за мандарините, а зошто треба секојдневно да ги консумирате, прочитајте во продолжение.

1-7-fantastichni-prichini-zoshto-treba-sekojdnevno-da-jadete-mandarini-www.kafepauza.mk_

1. Тие се добри за витка линија

Како идеално овошје за јакнење на имунитетот и одржување витка линија, мандарината со својот состав е слична на портокалот – обилува со витамин Ц и А, фолна киселина и калиум, а тука се и витамините од групата Б, калциумот, магнезиумот, цинкот, бакарот и железото.

2. Го намалуваат лошиот холестерол

Истражувањата покажале дека кожата на мандарината содржи хранливи состојки кои ефикасно го намалуваат „лошиот холестерол“.

2-7-fantastichni-prichini-zoshto-treba-sekojdnevno-da-jadete-mandarini-www.kafepauza.mk_

3. Ја спречуваат дебелината

Научниците од Универзитетот Вестерн Онтарио откриле дека хранливите состојки скриени во мандарините го спречува дебелеењето, како и нудат заштита од дијабетес тип 2 и артериосклероза. Станува збор за болести кои се одговорни за појава на срцев, но и мозочен удар.

4. Тие се идеални за подготовка на оброк

Мандарината е овошје што можете да го користите и во разни јадења, особено во свежите овошни салати. Сокот од мандарина можете да го користите и во подготовка на јадења како тестенини, но и во подготовка на колачи. Исто така, сокот од мандарина можете да го искористите и при подготовка на јадења со пилешко и риба.

5. Мандарините можете да ги искористите и за кожата

Од мандарините можете да направите и маска за лице за здрав и блескав изглед на кожата. Земете четири парчиња мандарина, отстранете ги семките и изматете ги во блендер со една лажица јогурт и една лажичка мед. Нанесете на лицето и вратот и оставете да делува од 10 до 20 минути. Добро измијте го лицето, а маската можете да ја користите два пати неделно ако имате мрсна кожа и еднаш неделно ако имате сува или нормална кожа.

3-7-fantastichni-prichini-zoshto-treba-sekojdnevno-da-jadete-mandarini-www.kafepauza.mk_

6. Мандарините го поправаат расположението

Верувале или не, мандарините можат да го поправат вашето расположените. Барем така тврдат докторите од клиниката Мајо. Мирисот на мандарина помага при стресот, депресијата и анксиозноста. Ако имате лош ден и сакате да се релаксирате, обидете се да го сторите тоа со помош на мандарините.

7. Потешките мандарини се подобри

Кога купувате мандарини избирајте ги потешките, бидејќи содржат повеќе вода и сок. За да не ги изгубат вредните хранливи состојки, мандарините чувајте ги подалеку од директно светло. Консумирајте ги во рок од седум дена од денот на купувањето.

Откако ќе ја изедете мандарината, никако не фрлајте ја нејзината кора, бидејќи таа ќе ве спаси од кашлица и болка во грлото.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар