Претходно
3 маски од краставица кои ќе го освежат вашето лице
Датум: 03 окт 2015
Коментари: 0
Тагови: алое вера, краставица, лице, маска за лице, мед, нега, освежување, природно, убавина, умор, јогурт
Секој сака да има убаво и нежно лице, но за да го постигнеме тоа треба да водиме посебна грижа за него, т.е. да го негуваме на здрав и природен начин. За да ги избришете трагите од заморот и секојдневниот стрес од вашето лице, ви препорачуваме три лесни и брзи маски за лице во кои главната состојка е краставица.
1. Краставица и јогурт
Излупете ја краставицата и исечкајте ја. Потоа ставете ја во блендер и додадете мала шолја јогурт и лажичка млеко во прав. Блендирајте сè додека не добиете кремаста смеса. Нанесете ја на чисто лице и опуштете се 15 минути. Потоа измијте го лицето со ладна вода.
2. Краставица и алое вера
Ќе ви биде потребна пола краставица и две лажички гел алое вера. Краставицата излупете ја, иситнете ја и мешајте ја заедно со гелот додека не добиете густа паста. Нанесете ја маската на чисто лице, избегнувајќи го пределот кај очите. Оставете ја маската да делува 30 минути, а потоа измијте ја со топла вода.
3. Краставица и мед
Ова е посебно добра маска за уморна кожа. Измешајте половина излупена и исечкана краставица со лажичка мед, лажичка сок од лимон и свежо нане. Кога смесата ќе стане кремаста, нанесете ја на лицето и вратот и оставете ја да делува најмногу 20 минути. Потоа измијте го лицето со млака вода.
Ќе се зачудите колку краставицата може да ви помогне. Секако, не заборавајте и на уморните очи. Само 10 минути одмор со крукчиња краставица на очите можат да го избрише уморот од вашите очи.
