3 маски од краставица кои ќе го освежат вашето лице

Секој сака да има убаво и нежно лице, но за да го постигнеме тоа треба да водиме посебна грижа за него, т.е. да го негуваме на здрав и природен начин. За да ги избришете трагите од заморот и секојдневниот стрес од вашето лице, ви препорачуваме три лесни и брзи маски за лице во кои главната состојка е краставица.

tri-maski-od-krastavica-koi-kje-go-osvezhat-vasheto-lice-www.kafepauza.mk

1. Краставица и јогурт

Излупете ја краставицата и исечкајте ја. Потоа ставете ја во блендер и додадете мала шолја јогурт и лажичка млеко во прав. Блендирајте сè додека не добиете кремаста смеса. Нанесете ја на чисто лице и опуштете се 15 минути. Потоа измијте го лицето со ладна вода.

2. Краставица и алое вера

Ќе ви биде потребна пола краставица и две лажички гел алое вера. Краставицата излупете ја, иситнете ја и мешајте ја заедно со гелот додека не добиете густа паста. Нанесете ја маската на чисто лице, избегнувајќи го пределот кај очите. Оставете ја маската да делува 30 минути, а потоа измијте ја со топла вода.

3. Краставица и мед

Ова е посебно добра маска за уморна кожа. Измешајте половина излупена и исечкана краставица со лажичка мед, лажичка сок од лимон и свежо нане. Кога смесата ќе стане кремаста, нанесете ја на лицето и вратот и оставете ја да делува најмногу 20 минути. Потоа измијте го лицето со млака вода.

Ќе се зачудите колку краставицата може да ви помогне. Секако, не заборавајте и на уморните очи. Само 10 минути одмор со крукчиња краставица на очите можат да го избрише уморот од вашите очи.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар