Претходно
Што се случува кога сите хороскопски знаци ќе се најдат на автобуска станица?
Замислете ја следнава ситуација: Чекате автобус на станица со вашето друштво коешто се сочинува од останатите 11 хороскопски знаци. Овој урнебесен но реалистичен приказ на оваа ситуација без сомнение ќе ве насмее и ќе ве расположи! Епа ајде да видиме што ќе се случи…
Овен: „Што е со превозниве средства, досега можев да купам автобус, да го расклопам, повторно да го составам и да го донесам на станицава…“
Јарец: „Расклопувањето можеби би ти одело тешко. За тоа е потребен експерт.“
Лав: „Кој ме викна? Можам да ви покажам како се прави тоа, но некој друг ќе мора да го направи.“
Девица: „Ако нешто не можеш до крај да го направиш сам, откажи се од тоа.“
Овен: „Кој вели дека ми треба нечија помош?“
Вага: „Ве молам смирете ја тензијата, ова не мора да биде непријатно време ако се забавуваме едни со други.“
Близнаци: „Некој спомна забава? Ајде да ги преместиме броевите на пероните за возачите да не знаат каде треба да застанат со автобусот!“
Стрелец: „Конечно некој со визија!“
Јарец: „Ве молам воозбилете се, не е тоа приватен имот за да го фаќате. Зарем не почитувате ниту едно правило?“
Бик: „Ех да беше приватен имот па да не изгледаше вака… и оваа станица, и овој перон, и автобусите… нема човек ни каде сендвич да купи.“
Вага: „Ако ви е утеха, барем не сме сами.“
Скорпија: „Самотијата е половина здравје.“
Водолија: „Не може да ме утеши фактот дека сум во група со единаесет луѓе со кој немам апсолутно ништо заедничко. Ова е губење време.“
Риби: „Од секој може по нешто да се научи.“
Вага и Девица: „Какви се овие манири?“
Рак: Сè ова е домашно воспитување. Во мое време не се разговараше вака со луѓе.“
Овен: „Да бидам искрен, тука само ќотек помага.“
Близнаци и Стрелец: „Ќе се претвори ли овој ден во нешто интересно?“
Девица и Јарец: „Би било интересно само ако се почитуваат правилата во оваа држава и автобусите престанат да доцнат.“
Водолија: „Ако некој е заинтересиран да направи нешто, а не само да зборува, веќе познавам некои луѓе кои можат да го решат тоа. Ќе им се јавам и ќе завршам работа.“
Лав: „Се кладам дека јас знам поважни луѓе.“
Скорпија: „Џабе ви е што знаете луѓе кога не се знаете себеси.“
Рак: „Страв ми е дека ќе останеме тука до вечер. Потоа ќе бидеме присилени да спиеме на клупи. Тоа не е безбедно.“
Бик: „Нема шанси! Јас да спијам на таа даска?“
Овен, Јарец, Стрелец: „Ах, каде сè не сум спиел јас досега…“
Риби: „Ако на некој му треба ќебе, можам да му го дадам моето.“
Девица: „Како мислите да спијам на туѓо ќебе?“
Близнаци: „Никој никаде нема да спие, тоа е само губење време. До вечер ќе бидеме којзнае каде.“
Вага и Водолија: „Додека сме тука, можеме да ја прошетаме станицата и да запознаеме некои интересни луѓе?“
Скорпија: „Ако му требам на некој, ќе бидам во меана.“
Риби: „Те молам почекај ме, ќе дојдам и јас.“
Рак: „Ах, и јас би испил нешто, ама имам некои проблеми со гастритис, не ми е лесно…“
Девица: „Сега јас ќе го решам тоа…“ (вади аптека од торба)
Јарец: „Мислам дека во моментов најважно е да ја пронајдеме одговорната личност за овој хаос и сериозно да поразговараме со неа.“
Овен и Лав: „Додека овие се бават со гастритис, меани, ќебиња и останати тривијалности, ние може да направиме нешто значајно. Ќе дојдеме со тебе!“
По некое време автобусот пристигнува на станицата… Овенот, Лавот и Јарецот се караат со возачот поради каснењето, Стрелецот и Близнаците нашле приватен превоз без никој да ги види, Скорпија ги изнесува пијаните Риби од меаната, кои ги седи Ракот замотан во омиленото ќебе бидејќи заладило, а Вагата И Водолијата пронашле три личности кај кои ќе преноќуваат кога ќе одат на пат, два животни пријатели, симпатија и бизнис партнер. Бикот си седи на истото место од почетокот и нема намера да се помести. Девицата потроши цел пакет влажни марамчиња за бришење на куферите и себе и пцуе сè од возачот, автобусот, државното уредување и системот. Сите, освен Близнаците и Стрелецот што ги нема, влегуваат во автобусот и ја напуштаат станицата.
Прочитајте и што се случува кога сите хороскопски знаци ќе тргнат заедно на пат…
