Претходно
Голема среќа ги следи оние кои ја имаат оваа планета во наталната карта!
Според хороскопот, одредени планети носат среќа и просперитет доколку се дел од наталната карта на одреден знак. Така, Јупитер е една од оние планети кои се своевиден штит од сè „лошо“ особено доколку се најде во Стрелец.
Што знаеме за Стрелецот и зошто ѕвездите го сакаат?
Им припаѓа на огнените знаци, сака патувања, авантури, има немирен и љубопитен дух и има високи морални принципи. Родените во знакот Стрелец се енергични, отворени и незадржливи, не ги почитуваат правилата, а кога е љубовта во прашање – кога ќе престанат да сакаат некого, ги пакуваат куферите и си заминуваат. За другите ова може да изгледа сурово, но тие секогаш ја избираат вистината наместо да живеат во лага.
За Стрелците карактеристично е и одреден вид двојност – или ги краси екстремна духовност или се најголеми хедонисти. Имаат големи апетити за сè во животот, сакаат да пробаат сè, да научат и искусат… За нив е сосема нормално да се однесуваат импулсивно, без многу размислување се впуштаат во романтични авантури, опасен спортски потфат или ризична работа.
Многу се комуникативни, понекогаш премногу, не се двоумат да кажат што прво ќе им падне на памет, да прашаат сè што ги интересира – дури и кога се свесни дека на другите ќе им биде непријатно. Во суштина, тие се многу искрени, па мислат дека и другите се такви. Дарежливи се, понекогаш екстравагантни, сакаат луксуз, прослави, веселби и друштвени собири. Имаат потреба секогаш да бидат во центарот на настаните, први ќе се појават како волонтери кога нешто треба да се направи или да му се помогне некому.
Имаат голем афинитет кон сè што е различно – други земји, обичаи, култура, јазици и егзотични места. Уживаат во патувањата, не сакаат здодевни работи, ги нервираат озборувањата. Тие не можат да издржат контрола, па не сакаат работни места и врски кои ги ограничуваат. Тие мора да се чувствуваат слободни во секое време.
На работа и во односите со другите знаат да бидат строги, понекогаш дури и злонамерни, но не се „убијци“ како Скорпиите. Стрелецот има големи амбиции во животот, кои обично се исполнуваат.
Ова се главните карактеристики на Стрелецот:
- Животот со нив е авантура сама по себе.
- Дарежливи се и секогаш подготвени да дадат, без да очекуваат ништо за возврат.
- Тие се весели, друштвени и на сите им се допаѓаат.
- Имаат цврсти ставови и се борат за своите верувања.
- Со нив секогаш ќе знаете што мислат за вас.
- Тие се среќни да ги споделат своите искуства и знаења со другите.
Откако за карактеристиките на лицата родени во Стрелец и влијанието на Јупитер, можеби ќе сакате да прочитате и што може да открие наталната карта за вашиот карактер.
Извор: sensa.mondo.rs
