Претходно
Спој на модерно, елегантно и тренди: Стилски варијанти за носење на миди здолништето
Датум: 28 дек 2015
Коментари: 0
Мини здолништата веќе неколку сезони не се најатрактивното секојдневно парче, бидејќи со модната сцена убедливо владеат миди здолништата. Дека тоа е вистина, многупати досега ни покажа славните дами и трендсетерки, кои ги облекоа миди здолништата во најразлични варијанти. Меѓу моделите кои предизвикуваат најголемо внимание секако се пронајдоа миди здолништата со А крој, „молив“ здолништата, миди здолништата со реси, но секако и многу други модели кои ќе направат оваа сезона да бидете поразлични од останатите. Доколку немате инспирација како да го искомбинирате миди здолништето, ние ви нудиме неколку предлози, а вие пронајдете некои нови, модерни идеи.
Миди здолништето со полн крој претставува најженственото дневно парче за оваа сезона. Можете да го носите во текот на денот, во работни варијанти, но и за вечерно излегување, бидејќи со него ќе постигнете шик и гламурозен изглед.
Од друга страна пак, „молив“ здолништата важат за дневно парче кое е идеално доколку сакате да постигнете угледен и секси изглед. И овој модел на миди здолниште може да биде идеален за дневна и вечерна варијанта, а дефинитивно спаѓа во групата парчиња во кои потполно ќе уживате. Плус, носењето на ова здолниште е најдобар начин да ги покажете вашите облини.
Бидејќи е добро познато дека оваа сезона ресите се водечки моден тренд, миди здолништето со реси е едно од најатрактивните дневни парчиња кои можете да ги облечете оваа есен. Станува збор за шик дневно парче кое изгледа феноменално на жената која го носи, додека најдобрата варијанта за која можете да се одлучите е миди здолниште со реси изработено од превртена кожа.
Кожните миди здолништа оваа сезона повторно се враќаат на модната сцена. Освен тоа што се изработени од кожа и што со себе носат доза на елеганција и женственост, овие здолништа претставуваат одличен избор за секоја жена со стил која сака да се разликува од останатите.
Полупровидните миди здолништа и оваа сезона наоѓаат свое место „под сонцето“. Тоа претставува едно од најпредизвикувачките дневни парчиња кое може да го облече секоја жена која сака на вистински начин да го истакне својот сексапил, додека полупровидните детали изработени од разни материјали ќе ѝ дадат посебна уникатност.
