Посакај

Автор: Al_ex_an_dra
(поднесено преку „Предложи содржина“)Посакај
Посакај да сум пролет,
и ќе расцутам во твојата градина.
Посакај да сум росен цвет,
и секое утро ќе ме гледаш под прозорец.
Посакај да сум жолто лисје,
и паѓајќи ќе се сплеткам низ твојата коса.
Посакај да сум број,
да ме запаметиш во својата меморија.
Посакај да сум солза,
и ќе се стркалам низ твоето лице,
ќе се претворам во плач,
и ќе се исушам на твоите усни.
Посакај да сум синџирче,
и ќе се сврзам околу твојот врат.
Посакај да сум оган,
и ќе ги стоплам твоите гради.
Посакај да сум искра,
во мене ќе видиш нова надеж.
Посакај да сум дете,
и јас одново ќе се родам за Тебе.
Посакај да сум машина,
и ќе ме допреш со твоите прсти.
Посакај да сум песна,
и ќе ме испееш низ нови ноти.
Посакај да сум добар филм,
и ќе ме изгледаш по сто пати.
Посакај да сум книга,
и ќе ме читаш до доцна.
Посакај да сум светлост,
и секогаш ќе те избавам од темнината.
Посакај да сум правда,
и секогаш ќе ја зборувам вистината.
Само не посакај да сум заборав,
би заминала без да ти ја признам Љубовта!

Сакате и вашиот текст да биде објавен на Кафе паузаПишете ни.

———————————————————————————————————————————————————————

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Читај на раат!

Поврзани содржини

  1. :):):) Reply

    :) <3
    bravo za avtorot
    a, bravo i za kafepauza sto podrzuva i promovira umetnost :)

Остави коментар