Претходно
Како да го вметнете вашиот дебел есенски елек во стилска и шик комбинација?
Датум: 30 окт 2014
Коментари: 0
Есенските елеци се доста практични, и речиси секоја девојка има макар еден во својот гардеробер. Сепак, изгледаат доста спортски и ви се чини дека е невозможно да ги вметнете во женствена и шик комбинација. Еве како да изгледате гламурозно со ова едноставно парче облека.
Шик со големо парче накит
Одличен начин да бидете модерни и шик а истовремено да се чувствувате удобно и топло. Искомбинирајте широки фармерки и еднобоен џемпер со чизмички до глужд и дебел елек. Дајте му гламур на овој едноставен изглед со впечатлив накит, големо ланче и рачен часовник.
Женствено со макси здолниште
Здолништата не се само за во лето. Искомбинирајте црно макси здолниште и еднобојна маичка со кратки ракави и интересен натпис. За да ви биде потопло одберете и тексас кошула, како и плетено капче чии бои ќе се совпаднат со бојата на вашиот елек. Совршен избор на обувки се оксфордките или чевлите на висока плута.
Тренди со широки панталони со принт
Одберете широки панталони со црно-бел принт, црн елек и еднобоен широк џемпер. Одберете и ниски затворени балетанки, и „зачинете“ го изгледот со црвена впечатлива нијанса на кармин како и плетен шал.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
