Водолија и девица – љубовна комбинација

Кога водолија и девица ќе се најдат во љубовна комбинација, тие можат да го извлечат или најдоброто или најлошото еден од друг. Водолијата е страсна, темпераментна, секогаш со некоја нова уникатна идеја на ум, а девицата е уредна, промислена и има тенденција честопати да крева врева без причина. Девицата е секогаш организирана и во одлучувањето се потпира на својот разум, а водолијата е посовремена и смета дека рутинското живеење е нешто незамисливо.Водолија и девица - љубовна комбинацијаДевицата и водолијата имаат многубројни карактерни разлики. Но, во овој случај тие не претставуваат проблем, туку напротив нивните различни ставови околу работите, им овозможуваат да научат многу еден од друг, благодарение на што можат да станат поцелосни и поуспешни личности.

Како и кај секој друг пар, така и во овој, може да се јават недоразбирања. Девицата може да ја смета водолијата за многу атрактивна, но може да почне да ја нервираат неуспешните обиди да „влезе“ во нејзиниот артистички ум. Од друга страна, водолијата може да се вознемирува од критицизмот на девицата, но ќе ужива во стабилноста и удобноста која и ја нуди овој љубовен партнер.

Девицата е предводена од Меркур, а водолијата од Сатурн и Уран. Влијанието од Меркур ја прави девицата комуникативна, организирана и ефикасна. Сатурн ја симболизира трудољубивоста, организираноста и насоченоста на водолијата кон реализација на поставените цели. Уран се однесува на необичноста и уникатноста на водолијата и нејзината тенденција да се фокусира кон иднината.

Девицата ќе се обиде да внесе организација, удобност и чувство за рационалност во животот на водолијата. Водолијата пак, ќе ја инспирира девицата да биде повоздржана од коментирање и да стои зад она во кое верува.

Водолијата го поминува целиот живот барајќи нешто кое ќе и ја просветли душата, додека девицата е фокусирана на „билдање“ на нејзиниот интелект. Додека девицата за секоја ситуација си ги поставува прашањата „зошто“ и „како“, водолијата е едноставно во потрага по нешто привлечно и возбудливо, без разлика дали истото е практично или не, и секогаш се прашува „што е следно?“. Понекогаш на овие партнери може да им претставува проблем да се разберат еден со друг.

Конфликт во овој љубовен пар може да настане доколку девицата почне премногу да го анализира несовршенството во нивната врска или доколку водолијата стане премногу „студена“ и отсутна во мислите. Овие партнери мора да научат меѓусебно да ги почитуваат нивните различни погледи кон животот и да разберат дека токму од тие разлики може да научат многу нешта, кои ќе го збогатат нивниот живот со задоволство и хармонија.

Водолијата има тенденција да биде доста тврдоглава, неразумна и самоуверена. Но, кога работат на остварување на заеднички цели, овие љубовни партнери ја внесуваат целата нивна страст, упорност и издржливост. Девицата лесно се прилагодува на секакви социјални збиднувања и со задоволство сака да и помага за било што на нејзината водолија, сè додека таа умее да ги цени нејзините напори. Конфликтите во оваа врска би требало да се ретки и најчесто се решливи благодарение на флексибилната природа на девицата, а не поради правењето отстапки во име на љубовта, од страна на водолијата.

Ако овие два знака успеат да сфатат дека работат на остварување на една заедничка цел – нивната среќа, ќе им биде многу поедноставно да допрат до срцето на својот партнер. Среќна околност е што девицата е пореалистична и ќе се обиде да ги држи работите под контрола во конфликтни ситуации, бидејќи водолијата сигурно нема да биде таа што прва ќе попушти.

Најдобриот аспект од љубовниот пар водолија-девица, е комбинацијата од нивните различни амбиции, која може да ги одведе до чудесни работи. Оваа врска е поучна, корисна и задоволителна за двајцата партнери.

За авторот
Љубопитна новинарка со истражувачки дух, во вечна потрага по доза креативност. Животно мото ѝ е дека без утринско кафе, без испеана песна и без малку возбуда не треба да ѝ помине ниту еден ден. Се релаксира со фина музика, длабок филм или прошетка во природа во добро друштво. Верува дека добриот совет и астрологијата ѝ помагаат да се разбере себеси и светот околу неа. Неостварен сон - да го прошета светот.

Поврзани содржини

  1. blagica Reply

    nemam zborovi se e taka

  2. mitko Reply

    ti blagica poznata si mi od nekade 😀

  3. Spartan Reply

    Bas e isto ama sosema isto pomegu mene i mojata partnerka bravo bravo

  4. lidija Reply

    se e tocno pozdrav

  5. Helen Reply

    ziva vistina, vodolijata ne popusta prva hahahahhaha

  6. jelena Reply

    znace se e tocno i nie so soprugot bas taka funkcionirame:)

Остави коментар