Љубовен астролошки профил за женски бикови

Љубовен астролошки профил за женски Бикови

Мажите имаат голем број причини зошто да ги обожуваат жените родени во знакот Бик. За оние кои сакаат животот да го живеат со побавно темпо, жената-Бик е вистинскиот избор за нив. Таа е сигурна и стабилна жена, која секогаш сака да знае во кој правец во животот се упатува и како се движи по него. Таа е решителна, упорна и трпелива личност. Ако нешто науми дека сака да го има, таа ќе пресмета, ќе го испланира, а потоа и оствари секој детаљ, сѐ додека не ја реализира нејзината замислена цел. Таа е мајстор за следење на нејзините зацртани цели, без разлика дали нивниот пат е напорен или досаден. Од оваа жена секогаш ќе знаете што добивате и што можете да очекувате, а таа ќе го очекува истото од вас.

Љубовен астролошки профил за женски Бикови

Жената-Бик понекогаш може да делува контрадикторно. За да научите што таа навистина сака, ќе ви биде потребно трпение, пракса и голема издржливост. Таа е бавна, спремна и цврста жена. Доколку сакате да го освоите нејзиното срце, подобро обидувајте се само доколку имате силна волја да ја имате покрај себе. Доколку го издржите процесот на придобивање на нејзината љубов, на крајот ќе констатирате дека нејзиното големо срце е доволно вредно за сета мака.

Таа своите чувства ги базира врз основа на факти и практичност. Таа има безгранична емоционална сила и има многу малку толеранција за некој кој не се согласува со неа. Некои претставнички на овој знак се чувствуваат понекогаш чудно во врска со себеси, како да се различни од сите други луѓе во светот. Поради тоа, убаво би било да ја потсетувате одвреме-навреме дека е само човек и дека е сосема нормално тоа што е исклучително уникатна девојка.

Обидете се да ѝ покажувате сочувство секогаш кога ѝ е тоа потребно, но немојте да ја карате и прекорувате. И покрај тоа што таа е многу приземна и цврста, понекогаш знае да го изгуби трпението и нервите. Во тие случаи ќе биде најпаметно да излезете од просторијата, додека не „спадне прашината“. Не дозволувајте вашата гордост да преовладее во врската со оваа девојка. Кога некој ќе ја навреди, таа не се труди да возврати со иста мерка, туку едноставно ќе ја игнорира таа личност.

Оваа жена ја вреднува традицијата и стабилноста. Како нејзин потенцијален партнер, вие морате да ѝ ги овозможите овие две работи. Таа е фиксен земјен знак, стабилна е, едноставна и нерасипана, но не може да трпи напнати и глупави ситуации. Жената-Бик е нетолерантна кон оние луѓе кои немаат класа, навредуваат, сурови се и покажуваат простотилак во своето однесување. Кон неа морате да се однесувате културно и да ја третирате како дама. Првиот впечаток е пресуден кога станува збор за оваа жена. Доколку не може за неколку минути да сфати дека вие сте личност со исклучителен карактер и потенцијал, тогаш најверојатно со неа нема да добиете ништо повеќе од тој еден разговор кој сте имале среќа да ви се случи.

Љубовен астролошки профил за женски Бикови

Не можете веднаш да влетате во врска со жена родена во хороскопскиот знак Бик. Морате првин да се спријателите со неа, пред воопшто да помислите на започнување романса со неа. Управувана од Венера, божицата на љубовта и убавината, оваа жена има особена почит кон убавите и сензуалните работи во животот. Благодарение на влијанието на оваа планета, женските Бикови се маркантни, забележителни и екстремно привлечни. Тие имаат способност да го привлечат вниманието на повеќе мажи кога влегуваат во некоја просторија, така што доколку сакате да ве забележи, ќе морате некако да се истакнете во толпата. Таа ќе ве обожува доколку ги почитувате традиционалните романтични вредности и ја третирате како вистинска дама. Секс за една вечер или секс без обврски се невозможни опции за неа. Кога ќе се врзе со еден партнер, таа планира да остане со него на долг рок. Воедно, таа сака нејзиниот потенцијален партнер да биде рамноправен со неа.

Љубовен астролошки профил за женски Бикови

Доколку успеете да отидете со неа на состанок, немојте да мислите дека сте го положиле испитот и не треба повеќе да се трудите. Бидете промислени. Букетот цвеќиња се секогаш добар избор и ќе оставите добар впечаток кај оваа жена. Доколку е сезона на орхидеи или лилјани, направете мал букет и верувајте со него ќе соберете многу поени кај неа. Таа ќе се обиде да ја процени вашата искреност. Така што, држејќи ги цвеќињата во вашата рака, бидете искрени и директни со неа. Таа обожава добар муабет и ќе ве цени уште повеќе доколку сте одличен слушател.

Женските Бикови ја ценат својата приватност. Таа не чувствува потреба да ѝ покажувате добри гестови или јавно да ѝ покажувате внимание. Овие жени преферираат спонтани разговори и комплименти кажани од срце. Имајќи ги овие работи на ум, знајте дека оваа жена е многу посесивна кон работите кои ги поседува и кога ќе почувствува дека нејзината сигурност е загрозена, таа ќе почне лошо да се однесува со вас. Таа не би играла љубоморни игри, ниту би била во врска која е непостојана. Она што ќе ја одржи „загреана“ е партнер кој е лојален и сензуален колку што е таа. Играњето со емоциите на жена родена во знакот Бик, ќе придонесе да ја изгубите засекогаш.

За да ја однесете оваа девојка во кревет ќе морате првин да задоволите неколку нејзини критериуми. Лојалноста е нешто што на секоја девојка родена во хороскопскиот знак Бик ѝ е многу важно. Можеби ќе ви биде малку потешко да ја придобиете нејзината доверба, но кога еднаш ќе успеете во тоа, тоа ќе биде засекогаш! Следен критериум кој треба да го задоволите е романтиката, која претставува неопходен составен дел од нејзиниот љубовен живот. Колку повеќе ја разгалувате со цвеќиња или разни подароци, толку повеќе ќе се вљубува во вас. Последниот чекор до нејзиниот кревет, е да бидете сензуални. Биковите се сензуални љубовници, па затоа таа ќе сака да ја почувствува вашата нежност и суптилност на нејзината кожа. Ако се потрудите да се чувствува добро додека ја допирате, таа ќе ве награди дупло! Обидете се бакнувајќи го нежно нејзиниот врат. P.S. Не заборавајте да се напрскате со некој добар парфем или млеко за тело со природен мирис (избегнувајте цветни мириси).

Љубовен астролошки профил за женски Бикови

Сексот со девојка родена во знакот Бик, може да се опише како „слатко измачување“. Таа сака водењето љубов да биде бавно и многу интимно. Колку повеќе галење и допирање искуси во текот на ноќта, толку подобар ќе ви биде сексот со оваа жена. Таа ќе обожава да ве задева и да ве одведе до точката на кулминација, потоа нагло ќе ги смири страстите, за после кратко време пак да ве „запали“. Одвојте повеќе време за вистински да уживате во сексот со неа. Таа ќе сака да ја помине цела вечер во вашата прегратка и ќе биде желна да учествува во сите ваши еротски (неперверзни) активности. Наредното утро ќе ве остави запрепастени да се запрашате зошто некогаш воопшто сте сакале да имате „секс на екс“ и како толку многу ја покачивте вашата сексуална кондиција и енергија.

И покрај тоа што оваа девојка ја цени стабилноста и традиционалните вредности, сепак одвреме-навреме сака да се „предаде“ и да се забавува во спонтани активности. Понекогаш сака да се предаде на своите импулси и сака покрај себе да има некој со кој ќе ги споделува тие импулси. Жените родени во знакот Бик може надворешно да изгледаат како да се секогаш сериозни, но реалноста е дека и тие потајно имаат свои желби и потреби. Тие се свесни дека понекогаш треба да престанат да мислат само на своите обврски и сериозните работи и да поуживаат малку во животот, така што со задоволство ќе прифатат некои нови авантури, но ќе им треба повеќе време да сфатат дека треба да се олабават.

За да ја задржите оваа жена на долг рок, морате да поседувате неколку карактеристики. Првата е дека треба да ѝ останете засекогаш верен и да ѝ овозможите емоционална стабилност. Воедно морате секогаш да ја третирате како вистинска дама, останувајќи секогаш учтиви, културни и на ниво. Исто така, таа сака да знае дали можете да се грижите за вашите финансии. Парите не се сѐ во животот на една жена-Бик, но ѝ создаваат чувство на удобност и стабилност кога знае дека ги има. На неа ѝ е важно да знае дека нејзиниот потенцијален партнер ќе се грижи да носи леб дома за неа и идното семејство.

Љубовен астролошки профил за женски Бикови

Работете СО неа, а не ПРОТИВ неа доколку сакате да го освоите нејзиното срце. Бавноста и подготвеноста се заштитниот знак на Биковите и таа ќе сака и вие да функционирате на истиот начин, без разлика дали ви е тоа во природата или не.

Оваа жена обожава да биде надвор, бидејќи кога е во природа таа се чувствува како да е дома. Поради тоа, таа ќе ве обожува ако често ја носите на прошетки во паркови, шуми, планини, покрај езера, реки, мориња… Пожелно би било и да ве бива за готвење, бидејќи таа е голем гурман.

Љубовен астролошки профил за женски Бикови

Можеби освојувањето на нејзиното срце ви изгледа како многу работа, но на крајот таа ќе ви покаже дека навистина вреди. Сте одбрале жена која ги цени високите стандарди и високиот квалитет на живот. Таа е љубезна и стабилна личност, која секогаш и секаде ќе ве поддржува. Таа обожава сѐ да споделува со нејзиниот партнер и ќе оди во крајности за да го направи нејзиниот љубен среќен. Не сака да игра игри и не сака сплеткани ситуации. Она што го видовте во неа кога првпат ја забележавте, е жена која вреди цело богатство и која ќе ви подари љубовно богатство за возврат.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Љубопитна новинарка и маркетерка со истражувачки дух, која е во вечна потрага по доза креативност. Животно мото ѝ е дека без утринско кафе, испеана песна и барем малку возбуда, не треба да ѝ помине ниту еден ден. Неостварен сон - да го прошета светот.

Поврзани содржини

  1. maja Reply

    Wow!!! Ova sigurno go pisuvala zena bik vo sprotivno ne znam koj bi mozel tolku dlaboko da ja poznava!!

  2. maja Reply

    Ne mi se veruva kolku tocno e se napisano za zena bik …. bravo!

  3. jbjkk Reply

    OK e se e tocno..najdobri ste kafepauza no za nadvoresen izgled na bik ke moze da objavite? 🙂

  4. alesija Reply

    se e tocnoooo no coment

  5. alesija Reply

    se e tocnoooo no coment

  6. alesija Reply

    se e tocnoooo no coment

  7. Anonymous Reply

    Јас сум бик во хороскоп и се уште не можам да поверувам колку е се точно, особено делот за освојување на срцето и фактот дека понекогош се чувствува различна од сите други луѓе на светов… Навистина ме имресионира текстов
    Едно големо браво за авторот :))

  8. Adrijana Reply

    Od zbor do zbor se e to4no! 😉

  9. j Reply

    Мажите имаат голем број причини зошто да ги обожуваат жените родени во знакот бик. За оние кои сакаат животот да го живеат со побавно темпо, жената-бик е вистинскиот избор за нив. Таа е сигурна и стабилна жена, која секогаш сака да знае во кој правец во животот се упатува и како се движи по него. Таа е решителна, упорна и трпелива личност. Ако нешто науми дека сака да го има, таа ќе пресмета, ќе го испланира, а потоа и оствари секој детаљ, сѐ додека не ја реализира нејзината замислена цел. Таа е мајстор за следење на нејзините зацртани цели, без разлика дали нивниот пат е напорен или досаден. Од оваа жена секогаш ќе знаете што добивате и што можете да очекувате, а таа ќе го очекува истото од вас.

  10. lina Reply

    bravo

  11. Mi jas Reply

    Da i kupete nekoj skap poklon, ili da i go zgotvite omilenoto jadenje. I vo nekakov kontekst da ne spomnuvate nesto sto ne i e po kejf. 😛

  12. JASMINA Reply

    tolku tocno i vistinito !!!!!! mi gi otkrivte site moi slabi tocki jas sum isto BIK

  13. nataly Reply

    Se gordeam sto sum Bik:)

  14. Tocko Reply

    da se e tocno 🙂 samo jas bi dodal i deka se i golemi pesimisti:)

  15. JADRANKA >S< STIP Reply

    tolku e tocno nema sto da se komentira duri zacuduvacki dali e mozno

  16. JADRANKA >S< STIP Reply

    dali e mozno tolku da e tocno nevozmozno

  17. maja Reply

    tokmu taka ne mi se veruva

  18. Истражувач на вистината Reply

    Во ред и сето ова е убаво.
    Ова е како да се задоволи жената и да се трчкара околу нејзе.

    А што е со мажот ?

    Ги цитирам Вашите напишани зборови :

    “Исто така, таа сака да знае дали можете да се грижите за вашите финансии. Парите не се сѐ во животот на една жена-Бик, но(!) ѝ создаваат чувство на удобност и стабилност кога знае дека ги има. На неа ѝ е важно да знае дека нејзиниот потенцијален партнер ќе се грижи да носи леб дома за неа и идното семејство.”

    И според ова Вашето напишано, човечката љубов сё темели врз парите ?

    Тогаш сите Вас Ве прашувам :
    Како да го осигураме “среќниот дом” во една земја, каде владее фашистичкиот режим ?
    Режим на масовното отпуштање на вработени мажи (и жени).
    Режим, кој масовно произведува сиромаштија, криминал и неморал.
    Режом на страв и безчуствителност.
    Режим на иронијата и на игнорирање.

    Како да ја обезбедиме љубовтта на жената (во било кој х.знак), ако чесниот(!) маж настрадал, поточно останал без работа (не вработен) во овој смртоносен систем во земјата ?

    Тогаш жената ќе ја бара “среќата” кај другиот маж, бидејќи првиот маж повеќе не може да и го обезбедува “комфорот” ?!?
    А најчесто “комфорот” и “сигурност” го бараат кај оние мажи кои имаат пари за да и го обезбеди сето тоа.

    Па, во таква земја, каде масовно владее криминал, таквите “мажи” се лихвари, рекетари, насилници, разно разни манијаци, измамници, провокатори, лажови, лопови, и така натаму.
    Бидејќи сите тие постојано ги имаат новите автомобили, новите телефони, постојано патуваат, уредни станови, уредно платени сметки, намирисани, облечени според тренд, поседувачи на “приватизирани” (украдени) предпријатија (company) и така натаму.
    Но, СИТЕ ТИЕ одлично се “слатко речиви”, ама тие се и БЕЗЧУСТВИТЕЛНИ.
    И откако добро ќе се изнасексате со нив, тогаш на крајот од сите краишта ќе приметите дека СЁ е лажно кај нив.
    А тогаш е доцна. Вие веќе им родивте деца на тие психопати.

    Па, не е ниту чудно што сё повеќе се “множат” круварите и измамниците во Македонија (и во целиот свет), бидејќи опивањето со крвта на овците е НЕ заситна.

    У ствари, во право сте.
    Да, да, во право сте.
    Бидејќи тоа е “човечка љубов”.

    Но,….

    Божјата љубов (агапе) е Света и вечна !

    Прво соборно послание на светиот апостол Павле до Коринтјаните, 13-та (тринаестта) глава.

    За Божјата Љубов.

    1. Да зборувам на сите човечки јазици, па дури и на ангелски, штом Божјата Љубов немам, ќе бидам
    бакар, што ѕвони, или кимвал, што ѕвечи.
    2. Да имам пророчки дар и да ги знам сите тајни, да ги имам сите знаења за сите работи, а и така силна вера, што и планини да преместувам, – ако Божјата Љубов немам, ништо не сум.
    3. И да го раздадам целиот свој имот, да позволам телото да ми изгори, – штом Божјата Љубов немам, ништо не ми користи.
    4. Божјата Љубов е долготрпелива, полна со добрина, љубовта не завидува, љубовта не се превознесува, не се гордее,
    5. не прави што е непристојно, не бара свое, не се срди, не мисли зло,
    6. на неправда не се радува, а на вистината се радува.
    7. сè извинува, во сè верува, на сè се надева, сè претрпува.
    8. Божјата Љубов никогаш не престанува, а другото, ако се пророштва, ќе престанат; ако се јазици – ќе замолкнат; ако се знаења – ќе исчезнат.
    9. Оти по нешто знаеме и по нешто пророкуваме;
    10. а кога ќе дојде совршеното, тогаш ќе исчезне делумното.
    11. Кога бев дете, зборував како дете, како дете мислев, како дете размислував; а кога станав маж, го оставив детинското.
    12. Сега гледам нејасно како во огледало, а тогаш – лице во лице; сега знам нешто, а тогаш ќе знам како што сум познат.
    13. А сега остануваат овие три работи: верата, надежта и љубовта; најголема меѓу нив е Божјата Љубов.

    Прашањето е :

    Како да се задоволи жената, кога таа никогаш НЕ е задоволна ?

    Одговорот од Светото Писмо е дадено тука :

    “И во последното(!) време на светот, Божјата љубов ќе олади.”

Напиши одговор на alesija Откажи одговор