Претходно
5 едноставни правила од лекарите за одгледување здраво дете
Кога луѓето за прв пат имаат деца, понекогаш можат да полудат, и тоа не само поради ноќите без сон. Најголемиот страв на секои мајка и татко е дека можеби нешто не е во ред со нивното дете. Но секој педијатар ќе ви каже дека повеќето деца растат и се развиваат на сосема нормален начин. Работата на родителите е да останат смирени и да ги направат само најнеопходните нешта за да го задржат здравјето на детето. Следниве правила ќе ви помогнат да одгледате навистина здраво дете.
1. Немојте самите да препишувате лекови
Нема ситуација во која можете да му дадете лек на детето без рецепт. Дури и ако детето од соседството имало исти симптоми и тие апчиња му помогнале, дури и ако баба му знае што е најдобро. Малку луѓе не помислуваат на тоа дека всушност и капките за нос можат повеќе да нанесат штета отколку да помогнат. Ако ситуацијата не е критична и нема потреба да викнете брза помош, треба да го направите најбезбедното нешто.
2. Подобрување на имунитетот
За да се осигурите дека вашето дете ќе порасне во здрава личност и ќе може да се справи со вирусите и бактериите, потребно е да ги создадете најудобните услови за развивање на имунитетот.
- Обидете се да го доите детето барем додека не наполни 6 месеци.
- Создадете удобни услови дома. Температурата нека не биде повисока од 22 степени Целзиусови, влажноста не помалку од 50% и редовно проветрувајте ги просториите.
- Секој ден шетајте надвор.
- Не ја запоставувајте физичката активност на детето.
- Осигурете се дека детето спие добро и доволно.
3. Бидете трпеливи
Некои здравствени проблеми можат и сами да исчезнат како што расте детето, како на пример нетолеранцијата на некоја храна.
4. Не ги игнорирајте вакцините
Движењето на луѓето кои се против вакцинација збуни многу родители и деца. Вистината е дека пред неколку децении многу деца умираа од тетанус, детска парализа и дифтерија. Не постои ниту еден лекар кој би им препорачал на пациентите да не се вакцинираат.
5. Запомнете ги симптомите
Понекогаш дури и најздравото и најдобро одгледаното дете може да се разболи. Тоа е сосема нормално. Но вие како родител би требало да ги знаете симптомите на најпопуларните болести кои веднаш бараат нега од специјалист.
- Пневмонија: Тешкотии со дишењето, промена на бојата на кожата, слаб апетит, анксиозност, треска (може да се појави многу касно).
- Инфекција од ротавирус: Губење на апетитот, замор, анксиозност, треска, повраќање, дијареа, течење на носот, кашлица.
- Бронхитис: Треска, тешкотии со дишењето, кашлица, слабост, губење на апетитот, главоболка, потење, промена на бојата на кожата.
Погледнете ги и здравите навики што секое дете треба да ги научи во најраната доба од животот.
