Претходно
Полека, но сигурно: 3 есенски трендови во шминкањето кои го освојуваат светот
Ова е идеално време за да внесете неколку новини во вашето шминкање. Погледнете кои нијанси на кармин се во мода и како најдобрите шминкери во светот го користат моливот за очи оваа сезона.
1. Ајлајнерот и креонот се задолжителен детаљ веќе неколку сезони, но кон крајот на 2015 година ги дочекуваме со уште поинтересна употреба – молив за очи наместо сенка за очи.
На трендсетерките кои со внимание ја следеа Њујоршката модна недела, не им „избега“ стилот кој го има Мара Хофман, а со сигурност ќе ви се допадне и вам – во самиот преклоп на капакот нацртајте полна линија со моливот за очи, а потоа „блендајте“ со останатите сенки за очи.
2. Друга новост од модните недели е темниот, впечатлив кармин. Светските шминкери предлагаат мат кармини, и тоа во црвена, неутрална и боја на вино. Интензивните кармини нè враќаат во 80-тите и 90-тите години на минатиот век.
3. Кога е во прашање сенката за очи, бојата која се наоѓа на првото место е бронзената, а веднаш по неа е нијансата на старо злато. Дамите ширум светот со сигурност брзо ќе го прифатат овој тренд, бидејќи без разлика дали вашите очи се зелени, сини или кафеави, сенката за очи во овие нијанси ќе го зголеми нивниот сјај.
Конечно – линијата во коренот на трепките е задолжителна за крајот на 2015 година. Дали ќе се одлучите и овде да го повторите моливот за очи или пак ќе бидете повешти со ајлајнерот, изборот е само ваш.
