Колачиња со турско кафе

Примамливи колачиња кои, не само што изгледаат убаво, туку се и многу вкусни. Аромата на зачини во комбинацијата со турско кафе привлекува и им дава единствен шмек. Лесен рецепт кој мора да го пробате. Овие слатки мали колачиња, кои воедно не се многу калорични, може да ги послужите како десерт после ручекот или како засладување на кафе муабетот со вашите пријатели.

Колачиња со турско кафе

Потребни состојки за 50 колачиња:
  • Белки од 4 јајца (на собна температура)
  • 200 г шеќер
  • 4 кафени лажички турско кафе
  • 2–3 кафени лажички зачин кардамом
  • ½ кафена лажичка мелено каранфилче
  • Додатоци за декорација по ваш избор

Колачиња со турско кафе

Начин на подготовка:

Загрејте ја рерната на 90⁰C. Добро изматете ги белките од јајцата на најсилна брзина на миксерот. Додека е сè уште вклучен, на помала брзина, полека додадете ги кафето, шеќерот и зачините. Матете сè додека смесата не стане пенеста. Во шприц за готвење ставете ја смесата, и на хартија за печење направете мали топчиња, како на сликата погоре. Може да ги декорирате по желба. Печете ги околу 75 минути, па извадете ги да се оладат на собна температура. Потоа направете мали сендвичиња со топено чоколадо за готвење или еурокрем.

Колачиња со турско кафе


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Слободното време го минува со голема шолја кафе и со добра книга во рака или пишувајќи го она што ѝ лежи на душата. Не може да поднесе неправда и негува емпатија кон луѓето. Како перфекционист опседнат да даде сè од себе, сонува да направи промена во светот околу неа. Креативна и желна за нови предизвици, со многу нови соништа секој ден, иако понекогаш плашлива од промена. По малку романтична со голема љубов кон англиските книжевни класици.

Поврзани содржини

  1. Име Reply

    Од каде може да се купи овој зачин кардамом?

    • Ели Радеска Reply

      Во добро снабдените маркети можете да ги најдете зачините кои ви се потребни, но доколку не најдете кардамом, може да го замените со ѓумбир. Поздрав.

  2. Irena Reply

    Vo tekstov ne e pojasneto dali treba 4 lazicki svareno kafe ili 4 lazicki izmeleno kafe, nesvareno.

    • Ели Радеска Reply

      Потребни се 4 лажички мелено кафе.

Остави коментар