Најновиот кулинарски тренд: Вафли на стапче! Ќе ги обожавате!

Кога ќе пребарате на Инстаграм или Пинтерест #wafflepops ќе ви излезе вистинска слатка уметност на која со сигурност нема да можете да ѝ одолеете. Најновиот тренд во светот на храната за 2017 година е токму овој десерт на стапче! Денес ви откриваме како да ги подготвите омилените вафли.

1-najnoviot-kulinarski-trend-vafli-na-stapche-kje-gi-obozhavate-www.kafepauza.mk_

Потребни состојки:
  • 300 грама (3 шолји) брашно
  • прашок за печиво
  • 120 милилитри (1/2 шолја) масло
  • малку сол
  • 2 јајца
  • 480 милилитри (2 шолји) млеко
  • малку шеќер
Подготовка:

Ставете ги сите состојки во сад и измешајте ги со миксер за да добиете смеса со густина како за палачинки. Потоа, сипете ја смесата во тостер за вафли и печете според упатството за употреба. Кога станува збор за преливот, ние ќе ви предложиме две варијанти, а останатото го препуштаме на вашата фантазија. Играјте си, можностите се безброј!

2-najnoviot-kulinarski-trend-vafli-na-stapche-kje-gi-obozhavate-www.kafepauza.mk_

Прелив од црно чоколадо

Откако ќе ги испечете вафлите ставете ги на дрвено стапче за сладолед и потопете ги во претходно стопено црно чоколадо, а на крај посипете ги со мелени бадеми или лешници.

Прелив од бело чоколадо

Повторете ја истата постапка, само наместо црно чоколадо растопете белo и посипете со ситно сечкано кандирано овошје и листови бадем.

Кога сме кај храната, трендовите и слатките десерти, ве потсетуваме на неодоливите крофни во форма на цветови.

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар