Домашен рецепт: Како да направите органски јаболков оцет?

Јаболковиот оцет наоѓа голема примена во одржувањето на здравјето на организмот и негата на кожата. Тој најмногу се користи во кујната, при подготовката на бројни јадењата и рецепти, но може да се користи и како лек за најразлични болести и инфекции. Затоа е добро да го имате на дофат во секое време. Во тој контекст, погледнете како самите да направите домашен, органски јаболков оцет со само неколку свежи јаболка.

Домашен рецепт: Како да направите органски јаболков оцет?

Потребни состојки:
  • Свежи и измиени јаболка
  • Вода
  • Шеќер
Начин на подготовка:

Исечете ги јаболката, нарендајте ги во една стаклена или пластична тегла и ставете малку шеќер. Доколку користите кисели јаболка, тогаш додадете 1% шеќер на целокупната количина. Шеќерот е потребен за ферментација и него воопшто нема да го има во финалниот производ. Прелијте со вода, покријте ја теглата со газа и оставете да делува на собна температура од околу 20°C.

По 7-10 дена, ќе почнете да чувствувате мирис на киселина во просторијата во која ја чувате теглата. Бидејќи мирисот е јак, најдобро е да не ја чувате смесата во кујната или некое друго место каде често престојувате. По месец дена можете да пробате дали ви одговара киселоста на оцетот. Доколку сте задоволни и оцетот ви е доволно јак, тогаш можете да ја процедите течноста низ газата и да ја ставите во чисти и стерилизирани шишиња. Доколку не сте задоволни со киселоста, тогаш оставете да отстои уште неколку дена.

За авторот
Новинар. Самопрогласен актер. Џедај. Животна форма еволуирана да живее од филмови, видеоигри, музика, хумор и технологија. Хоби и рекреација: Појадок, ручек, вечера.

Поврзани содржини

Остави коментар