Еве уште едно изненадување за сите фанови на неуморливата Бијонсе која секогаш има по некој трик плус во ракавот. Точно една година по ненајавеното објавување на нејзиниот визуелен албум едноставно насловен како „Бијонсе“, таа објави краток филм со наслов „Yours and mine“ во кој отворено зборува за притисокот кој го носи славата, за семејството и бракот, но и за феминизмот.
Бијонсе, позната по тоа што вешто го сокрива приватниот живот веќе со години, во последно време почнува сè повеќе да ѝ се отвора на јавноста, докажувајќи дека е доволно зрела и способна да биде своја и отворена. Погледнете го овој краток, топол, уметнички, искрен и длабок филм.
