10 заблуди за квалитетниот сон и несоницата

10 заблуди за квалитетниот сон и несоницата

Ако пиете кафе доцна навечер, тоа нема да влијае на вашиот сон. Не, ова не е мит, туку е научно докажано. Можеби сте чуле разни стереотипи за добриот сон и несоницата, но многу од нив се лажни.


Мит 1: Секогаш е подобро да спиете повеќе додека сте во депресија

10 заблуди за квалитетниот сон и несоницата

Можеби сте слушнале дека спиењето е корисно додека страдате од депресија, но научниците откриле многу интересен детаљ, познат како „екстремна парадоксална несоница“. Тоа се користи како терапија релативно неодамна и ако луѓето со тешка депресија останат будни барем една ноќ, тоа може да доведе до заздравување.

Можеби ова се случува поради шок од инертен биолошки часовник, но потоа ќе се чувствувате подобро и нема да имате проблеми со спиењето.

Мит 2: Вашето тело се навикнува да спие помалку

10 заблуди за квалитетниот сон и несоницата

Ако го следите ова правило, веројатно е време да го преиспитате вашиот распоред. Ако ги намалите часовите за спиење неколку ноќи по ред, веројатно ќе се чувствувате поспани во текот на денот. Вашето тело и вашиот мозок нема да функционираат толку ефикасно затоа што не можат да се приспособат на спиењето помалку часови.

Ескпертите препорачуваат да спиете помеѓу 7 и 9 часа ноќе и дека најдобро време за да си легнете да спиете е помеѓу 20 часот и полноќ.

Мит 3: Хектичните движења во текот на ноќта се знак на лош сон

10 заблуди за квалитетниот сон и несоницата

Ако правите мали, несвесни движења на телото во текот на ноќта, тоа се смета за здрав сон. Не треба да бидете загрижени ако понекогаш ја движите ногата, но има некои случаи што не се сметаат за нормални, како што се следниве:

  • aко вашите движења се долготрајни или хронични
  • ако одите во сон
  • ако се однесувате агресивно или насилно во текот на ноќта
  • ако се будите поради тоа
  • ако ги стегате забите за време на спиењето

Мит 4: Несоницата главно е предизвикана од вашата ментална состојба

10 заблуди за квалитетниот сон и несоницата

Несоницата може да биде предизвикана од вашата психолошка состојба и од стрес, но за тоа придонесуваат и физичките фактори. Жените со несоница се изложени на поголем ризик од мажите за развој на срцеви заболувања, мозочни удари и вишок килограми. Исто така, синдромот на немирни нозе, промените во хормоните, проблемите со тироидната жлезда и невролошките нарушувања може да бидат причина за непроспиени ноќи.

Дополнително, истражувачите забележале дека жените можат да доживеат нарушувања на спиењето поврзани со нивниот менструален циклус и менопаузата.

Мит 5: Станувањето навечер 20 минути значи дека губите 20 минути сон

10 заблуди за квалитетниот сон и несоницата

Понекогаш, може да се разбудите еднаш или двапати во текот на ноќта и да имате тешкотии да заспиете повторно. Некои луѓе претпочитаат да останат во кревет, обидувајќи се да се присилат да се одморат, но на крајот само се чувствуваат изморени следното утро.

Во овој случај, подобро е да станете и да правите нешто 15-20 минути. Оваа тактика нема да ви ја украде шансата да спиете доволно, но важно е да не пиете ништо освен вода или да не користите уреди во овој момент.

Мит 6: Треба да легнете и да се будите во исто време секој ден

10 заблуди за квалитетниот сон и несоницата

Распоредот за спиење е важен, но експертите се повеќе загрижени за времето на будење. Важно е да станувате приближно во исто време, не само во текот на неделата, туку и за време на викендите.

Исто така, не е задолжително да се будите рано наутро. Секое тело е различно, така што вашиот распоред на спиење може да биде различен од оној на другите. Нема потреба да се присилувате да се будите во 7 часот наутро ако не морате.

Мит 7: Несоницата е само тежок дел од заспивањето

10 заблуди за квалитетниот сон и несоницата

Тешкотиите при заспивање најчесто се поврзани со несоница. Сепак, ова нарушување се карактеризира и со други симптоми: често будење, будење премногу рано, неможност да заспиете и да се чувствувате свежи следното утро. Ако овие симптоми ви се случуваат често, подобро е да се консултирате со вашиот лекар.

Мит 8: Пиењето кафе доцна навечер влијае на вашиот сон

10 заблуди за квалитетниот сон и несоницата

Истражувањата покажаа дека нема поврзаност помеѓу внесувањето кофеин во организмот во рок од 4 часа пред спиењето и квалитетот на сонот. Сепак, ако имате ниска толеранција за кафе, можеби треба да ја скратите дозата.

Мит 9: Ако не можете да спиете ноќе во текот на неделата, спијте повеќе за време на викендот

10 заблуди за квалитетниот сон и несоницата

Кога не спиете доволно во текот на неделата, може да го надоместите тоа за време на викендот. Но, според лекарите, ова функционира само за акутно лишување од сон и нема докази дека е навистина добро за вашиот мозок и за вашето тело ако го правите тоа цело време.

Освен тоа, истражувачите откриле дека луѓето кои морале да го ограничат сонот во текот на неделата, стекнале навика да грицкаат нешто по вечерата, што доведува до зголемување на телесната тежина.

Мит 10: Децата не страдаат од несоница

10 заблуди за квалитетниот сон и несоницата

И децата може да доживеат несоница, дури и ако мислите дека се премногу мали за тоа. Причините за тоа се исти како и кај возрасните, а најчестите се некои медицински состојби или емоционални фактори. Постојат неколку знаци дека вашето дете може да страда од несоница:

  • постојано се чувствува уморно
  • бара изговори за да не си легне
  • потребно му е долго време за да се заспие
  • постојано станува од кревет и бара нешто
  • често се буди во текот на ноќта
  • тешко му е да се разбуди следното утро
  • спие во различни периоди секој ден

Прочитајте што се случува со вашето тело кога спиете на ново место.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар