Салата со туна за оние кои ја чуваат линијата

Одржувањето на телесната тежина не мора да биде напорно бидејќи постојат рецепти за вкусни салати, како овој, кои се подготвуваат брзо и заситуваат. Поголемиот дел од намирниците сигурно веќе ги имате дома.

Потребни состојки:

• 500 грама леблебија
• 2 конзерви туна
• 1 голема црвена пиперка исечкана на коцки
• 75 грама исечкан кромид
• 15 грама исечкан свеж магдонос
• 120 милилитри сок од лимон
• 4 лажици маслиново масло
• Мешана зелена салата
• Бибер и сол по вкус

Начин на подготовка:

Измешајте ги леблебијата, туната, пиперката, кромидот, магдоносот, две лажици маслиново масло и половина од лимоновиот сок. Зачинете со бибер. Останатиот лимонов сок заедно со останатите две лажици масло и солта измешајте ги, па прелијте ја салатата со смесата.

Доколку барате лесна салата која е и вегетаријанска, пробајте го овој рецепт за лесна салата со краставица и авокадо.