Претходно
Подгответе ги нозете за првото сончање
Со првите топли сончеви зраци се охрабривме да се ослободиме од темните хулахопки и тесните панталони, но нозете, што ни биле скриени со месеци, не се подготвени за изложување на сонце. Поголемиот дел од жените имаат проблем со пресветли нозе и заспана кожа по долгиот зимски сон. Со таа цел, решивме да споделиме неколку трикови што ќе ви го олеснат преминувањето во новата сезона и ќе ви помогнат да ги подготвите нозете за првото пролетно сонце.
1. Пилинг
Една од најефикасните методи за „будење“ на кожата на нозете е користење сува четка што ќе ви ги отстрани мртвите клетки кожа и ќе ви ја подобри циркулацијата. Резултатот е видлив веднаш! Пилингот е најдоброто нешто што можете да го направите за вашата кожа, што по третманот ќе биде мазна и нежна како свила.
2. Хидратација
Следниот чекор е хидратацијата. Сигурно досега безброј пати имате чуено дека дехидрацијата прави кожата да ви изгледа суво и збрчкано, па доколку сакате да имате сјајни нозе, мора да почнете да пиете поголеми количества вода. Исто така редовно масирајте ги со масло и млеко за тело со цел да ја одржувате кожата влажна.
3. Тен
Ако се нервирате бидејќи нозете ви се пресветли, најбрзиот начин да ги подготвите за куси фустанчиња или шорцеви е да пронајдете добра крема за потемнување. Имате голем избор, па веруваме дека ќе ја најдете идеалната за вас. Само бидете внимателни, бидејќи доволна е мала количина, измешана со обично млеко за тело, за да ја добиете потребната нијанса.
Дали сакате да имате нозе како фотомодел? Со овие вежби ќе го постигнете тоа!
