Како да создадете систем на наградување за вашето дете?

Ако сакате да му помогнете на вашето дете да постигне пресвртница во однесувањето и да ги надмине тешкотиите, пробајте ја тактиката што многу родители ја истакнале како многу ефикасна. Станува збор за системот на наградување и овој метод на воспитување поттикнува позитивни промени во однесувањето и во зајакнувањето на личноста.

Како да создадете систем на наградување за вашето дете?

Нагласувањето на позитивното однесување помага да се изгради самодоверба. Кога детето ќе развие едно позитивно однесување и ќе добие многу пофалби, тогаш ќе биде полесно да соработува и во други ситуации.

Клучот е во приспособувањето според возраста, карактерот и интересите на вашето дете. Овие неколку предлози ќе ви помогнат да поставите систем на наградување кој ќе функционира во корист на вашето дете.

Создавање систем на награда за мали деца

За малите деца, размислете за воведување скала на награди. Инструкциите се едноставни: ставете по една налепница на табелата секој пат кога вашето дете ќе постигне некоја цел.

На пример, детето може да добива по еден налепница секој пат кога само ќе се облече. Кога ќе собере 10 налепници, заработува мала играчка или нова книга.

Исто така, имајте на ум дека не мора да работите со налепници. Графиконите за награда може да бидат различни: коцки во тегла, магнети на фрижидер, апликации за деца и сè останато што ќе го мотивира вашето дете да се однесува соодветно. Само запомнете дека повеќето мали деца најдобро работат со визуелна презентација.

Користење на скалата за наградување за деца од предучилишна возраст

Ако вашето дете е на оваа возраст, наградете го веднаш откако ќе се случи посакуваното однесување, во спротивно вашето дете може да заборави за што е наградено.

Следете само едно однесување

Кога првпат ќе почнете да го применувате системот на наградување, следете само едно однесување. Вашето дете на предучилишна возраст може да добие налепници за употреба на тоалетот, за облекување, кога го користи зборот „благодарам“ итн. Откако ќе усвои одредено однесување, може да целите кон некоe друго, но треба да внимавате целите да бидат реални и соодветни на возраста.

Дајте му многу пофалби

Пофалете го вашето дете кога ќе постигне некоја цел и тоа ќе ги охрабри да продолжи да напредува. Исто така, потсетете го вашето дете на наградната листа.

Користете едноставни изрази

Кога разговарате со децата, важно е да користите изрази што лесно се разбираат. Наместо да го наградувате вашето дете за „покажување благодарност за услугата“, наградете го за употребата на зборовите „те молам“ и „благодарам“.

Не поткупувајте го детето

Дури и ако сакате вашето дете да се однесува учтиво во јавност, не треба да го користите системот за наградување како мито. Детето може да започне намерно да манипулира – прво ќе се однесува лошо, а потоа добро, знаејќи дека ќе добие награда кога ќе престане со лошото однесување.

Развој на систем на наградување за децата дома

За децата на училишна возраст, системот на награди обично функционира со поени наместо со налепници. Но, самото собирање поени нема да ги мотивира децата да го променат однесувањето, па затоа родителите треба да ги мотивираат повеќе. На пример, децата може да искористат 20 поени за играње, за спиење, за дополнителен половина час видеоигри или да добијат одредена сума пари.

Следете повеќе однесувања

Додека децата растат, можете да примените повеќе елементи во табелата за награди. Вашето дете може да заработи поени за местење на креветот, за контролирање на лутината, за помагање во домашните обврски и сл.

Вклучете ги своите деца

Разговарајте со вашето дете за разумни награди што ќе го мотивираат. Можеби тоа не сака да добие нова книга, туку голем велосипед.

Не напуштајте го системот на наградување

Графиконот за награди јасно покажува што се очекува од вашето дете. Воспитувањето бара многу енергија, труд и време. Треба да бидете одлучни, јасни и праведни и да следите што прават вашите деца и како го прават тоа.

Прочитајте зошто децата треба да го поминат врнежливиот ден надвор.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар