Претходно
Едноставни, но модерни фризури што треба да ги пробате оваа есен
При анализата на модните ревии, многумина не обрнуваат внимание на шминката или на фризурата на моделите бидејќи тие се максимално фокусирани на облеката, на обувките и на модните додатоци. Фризурите презентирани на модните ревии се претежно практични и едноставни, токму онакви какви што се потребни за овој неизвесен период кога сите тежнеат кон лежерност.
Дизајнерката Тори Бурч за сезоната есен/зима предлага едноставни и романтични фризури кои одговараат на косата со сите должини и текстури и нивното стилизирање не може да биде полесно.
Потребно е само да малку да извртите два прамени од двете страни на главата, а потоа да ги поврезете на тилот со помош на еластична лента.
Друга практична фризура е онаа со предниот горен дел од косата зафрлен наназад и фиксиран на задниот дел од главата со помош на убава лента. Неуредна, природна, лежерна – не може да биде поедноставно.
Судејќи според она што можеше да се види на модните ревии на модните куќи „Диор“, „Гучи“ и „Адеам“, главните додатоци за коса за сезоната есен/зима ќе бидат марамите и лентите.
Марамите се многу ефикасни без разлика дали имате кратка или долга коса, а истото важи и за панделките што ќе изгледаат одлично на косата со сите должини и текстури.
Дизајнерот Брандом Максвел предлага елегантна фризура за која е потребно многу кратко време – ниско коњско опавче украсено со долга сатенска лента.
На ревиите на брендовите „Max Mara“ и „Tadashi Shoji“ имаше т.н. бебешки плетенки, односно класични фризури украсени со една мала плетенка.
Погледнете кои 4 фризури можe да ви предизвикаат главоболка.
