Што се случува со вашето тело кога пиете кафе по консумирањето алкохол?

Многу луѓе мислат дека шолјата кафе може малку да ги отрезни по пиењето алкохол, но ефектот на кофеинот всушност може да биде опасен. Истражувањата покажаа дека мешањето алкохол и кафе го зголемува ризикот од незгоди и повреди. Можеби сте чуле дека една чаша кафе ги поништува ефектите на алкохолот, но тоа не е баш точно.

Што се случува со вашето тело кога пиете кафе по консумирањето алкохол?

Кога почнувате да пиете, нивото на алкохол во крвта се зголемува, се чувствувате возбудени и тој ефект трае околу час и половина, а потоа нивото паѓа и се чувствувате уморни.

Тогаш, кофеинот може да ви помогне затоа што ве „поткрева“, дејствувајќи како противмерка на заморот предизвикан од алкохол. Ова е причината зошто кафето често се служи по ручекот. Но, тоа што се чувствувате расонети по пиењето кафе не значи дека сте трезни.

Сè уште има намалување на когнитивните функции, а тоа ќе престане само кога црниот дроб ќе го апсорбира целиот алкохол и ќе се разгради во организмот, но кафето нема да го забрза тој процес.

Напротив, постојат истражувања што покажуваат дека мешањето алкохол и кафе може да ги влоши работите. Едно истражување открило дека на тој начин сте изложени на поголем ризик од незгоди и повреди. Покрај тоа, можете да пиете уште повеќе алкохол поради кофеинот. Имено, кафето го поништува заморот од алкохолот, па можеби мислите дека сè уште можете да пиете, а всушност сте веќе прилично пијани.

Затоа, ако се опиете, не посегнувајте по кафе, туку одете во кревет и наспијте добро, тоа е единственото решение што навистина функционира.

Прочитајте што се случува во организмот по 10, 20, 30 и 360 минути откако ќе се напиете кафе.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар