Претходно
Луѓето кои работат од дома се посреќни!
За многу работни позиции денес потребен е само компјутер поврзан на Интернет. А, тоа ги поедноставува работните обврски за многумина. Според ново истражување, оние луѓе кои може да работат од каде било се и посреќни.
Компанијата „Аул лабс“ спровела анкета врз 1.202 Американци на возраст од 22 до 65 години кои работат со полно работно време. 62% од испитаниците имале опција за работа од дома и ја практикувале, додека 38% работеле во канцеларија во текот на целото работно време.
Податоците од истражувањето покажуваат дека работењето од дома ги прави луѓето посреќни. 71% од испитаниците кои работеле од дома изјавиле дека нивната работа ги прави среќни. Од друга страна, само 55% од оние кои работеле во канцеларија го кажале истото.
Истото истражување вели и дека луѓето кои работат од дома заработуваат повеќе и тие почесто остануваат да работат во иста компанија барем пет години.
Без разлика дали работите од дома или во канцеларија, прочитајте дали слушањето музика на работа навистина ве прави попродуктивни.
