Претходно
Кое е значењето на броевите што се повторуваат?
Дали сте забележале дека постојано ги гледате истите броеви што се повторуваат? Ова не е случајност. Важно е да разберете дека е мала веројатноста постојано да ги забележувате истите броеви, па затоа и нивното појавување во вашиот живот има некакво значење. Пронајдете го бројот што постојано ви се повторува и откријте го неговото значење.
Броевите што се повторуваат се знак за духовно будење
Кога се случува ова, нашите астрални тела се синхронизираат со универзумот, па добиваме важни пораки за нас и за луѓето коишто ги сакаме. Ова се пораки што не можеме да ги добиеме на друг начин. Па, погледнете го значењето на секој од броевите што се повторуваат.
11, 111, 11:11, 1111: Повик за будење
Ако постојано ги гледате овие броеви тогаш сте добиле важен повик за будење од универзумот. Ова значи дека вашата сила поради некоја причина се активирала и се обидува да ве предупреди. Причината можеби е тоа што конечно сте се одлучиле да ја добиете поддршката од минатите животи. Очекувајте голем настан во наредните 48 часа.
22, 222, 22:22, 2222: Тајни и рамнотежа
Овие броеви ве предупредуваат дека некои тајни можеби не ви се достапни сега. Ова може да значи и дека на вашиот партнер, сопруг или најдобар пријател му е потребно вашето внимание. Бројот 2 е симбол за вашата друга половина, личноста која прави да се чувствувате целосно. Можеби овој период ќе ја сретнете и вашата сродна душа.
33, 333, 33:33, 3333: Завршување
Со овие броеви универзумот ви дава знак за целосно завршување. Можеби треба да ги порамните вашите тело, ум и дух за да постигнете поголема рамнотежа. Медитацијата ќе ви биде од многу голема помош во овој момент. Овој број може да биде и знак за божествено лекување. Можеби сте благословени со богат и здрав живот.
44, 444, 44:44, 4444: Поставете ги темелите
Ако постојано го гледате овој број, универзумот ви кажува дека е време да поставите темели за вашата иднина. Ова е знак дека треба да ги материјализирате вашите планови и да поставите нови цели. Веројатноста дека ќе успеете е многу голема во овој период. Бројот 4 ги симболизира елементите оган, вода, воздух и земја, па искористете ја нивната моќ.
55, 555, 55:55, 5555: Пуштете ја магијата внатре
Со бројот 5 универзумот се обидува да ви каже дека треба да му дозволите на вашиот дух да прави чуда во вашиот живот. 5 е бројот на чудата и бројот на петтиот елемент – духот. Овој број ви кажува дека е време да се прифатите себеси, да го прифатите вашиот живот, да ја прифатите вашата работа и да се обидете да внесете малку повеќе дух и магија во нив.
66, 666, 6666: Следете ја светлината
Ако постојано го гледате овој број, универзумот ве предупредува за убавината и рамнотежата. 6 е бројот на Венера, планетата и божица што управува со убавината и хармонијата. Иако бројот 6 често е поврзуван и со ѓаволот, ова е навистина среќен знак. Ако го гледате, време е да почнете да ја следите светлината.
77, 777, 7777: Мудроста доаѓа прва
Со овој број универзумот ве потсетува дека мудроста секогаш треба да доаѓа прва. Ова е бројот на магијата, бројот на египетскиот бог Тот кој владее со магијата и мудроста. 7 е моќен знак дека е време да ги отворите очите и да ја видите вистината. Досега сте грешеле, а сега е вашата шанса да откриете кој е вистинскиот пат за вас.
88, 888, 8888: Вистинската моќ доаѓа однатре
Ако постојано го гледате овој број, универзумот внимава на вас и знае низ што минувате. Сепак, ова е и потсетник дека вистинската моќ доаѓа однатре и ако вашето срце е чисто, успешно ќе ги надминете сите тешкотии. Потребно е да имате повеќе верба. Ако се чувствувате изолирано од универзумот, медитацијата навистина ќе ви помогне.
99, 999, 9999: Крајот наближува
Ако постојано го гледате овој број, универзумот ви кажува дека крајот наближува. Ова може да биде добро, но и лошо. 9 е број на вечноста. Некој круг на искуства се затвора. Важно е крајот да излезе добар за вас. Обидете се да го затворите овој круг со што е можно попозитивна енергија. 9 ја носи најмоќната кармичка порака во однос на сите други броеви. Потребно е да бидете помудри и да откриете што недостасува во она што го правите. Завршете ја работата и направете место за нешто ново што ќе го промени вашиот живот.
00, 000, 0000: Назад во празнината
Со овој број универзумот ве потсетува дека е време да одморите. Време е да се „рестартирате“. Направете чекор наназад и вратете се во празнината каде што ништо не постои, но од каде што потекнува сè. Едноставно кажано, наспијте се, слушајте релаксирачка музика и одморете. Правете вежби со дишење за да создадете хармонија помеѓу телото и енергијата. Ова е навистина важна порака. Потребно е да ја побарате божествената моќ на креацијата. Иако треба да делувате веднаш, потребно е да си ја вратите силата и енергијата што сте ја загубиле по пат. Земете слободно време колку што ви е потребно. Најважно е да ја вратите вашата моќ.
Погледнете и кои се најчестите синхроницитети кои не треба да ги игнорирате.
