Претходно
Европскиот град во кој луѓето од работа до дома се враќаат пливајќи
Во летните месеци, жителите на швајцарскиот град Базел одат по улиците со светли торби во форма на риба. Станува збор за водоотпорна торба што ја користат за чување на своите работи кои ќе им требаат кога ќе решат да пливаат во реката Рајна.
Некои од жителите на овој град тврдат дека на овој начин се релаксираат после работа, додека други сакаат само да го избегнат метежот во сообраќајот.
Оваа река во јули и август е место за забава на многу жители на Базел. И покрај тоа што просечната летна температура во Базел е само 25 Целзиусови степени, а реката Рајна се карактеризира со многу брз и непредвидлив проток кој се препорачува само за најдобрите пливачи, сепак многумина во неа бараат освежување.
Повеќето пливачи пливаат на делот меѓу мостовите Шварцвалд и Јоханитер и оставаат да ги носи струјата. Околу реката Рајна нема спасители, па ако сакате да пливате, тоа е на ваш сопствен ризик.
Погледнете како изгледа ова во пракса.
Можеби ќе ве интересира и кои се настаните што се случуваат многу ретко.
