7 состојки што ќе ви помогнат во борбата против непријатните телесни мириси

Не постојат две личности на оваа планета кои имаат ист мирис на телото и секоја личност има свој уникатен мирис. Сосема е нормално телото да произведуваат различни мириси, но тоа може да биде причина за загриженост кога тие мириси стануваат особено силни и непријатни. Овие состојки што ги имате дома можете да ги користите како природни алтернативи за производите за нега и убавина.

1. Оцет за натопување на стапалата

7 состојки што ќе ви помогнат во борбата против непријатните телесни мириси

Оцетот е моќен антибактериски лек кој се бори против разни бактерии, габи и микроби со помош на оцетната киселина што ја содржи. Киселината го подобрува мирисот на стапалата.

За да ги натопите стапалата во оцет, комбинирајте:

  • 1 дел оцет
  • 2 дела вода
  • неколку капки есенцијално масло (по избор)

Измешајте ги во леѓен и чувајте ги стапалата во течноста 10-20 минути. Правете го тоа еднаш на ден и гледајте како исчезнува непријатниот мирис на стапалата.

2. Талог од кафе како пилинг за тело

7 состојки што ќе ви помогнат во борбата против непријатните телесни мириси

Талогот од кафе е познат по тоа што апсорбира мириси. Поради неговата силна арома, можете да ги чистите рацете со малку мелено кафе за да ги отстраните другите силни мириси на риба, лук и кромид. Исто така, можете да го користите талогот од кафе за да ги намалите непријатните мириси на телото, користејќи го како пилинг за тело за да ги отстраните мртвите клетки на кожата и да имате нова и чиста кожа.

За да направите пилинг за тело од кафе, комбинирајте:

  • 1 дел талог од кафе
  • 1 дел кокосово или маслиново масло
  • неколку капки есенцијално масло

Измешајте ги сите состојки во мал сад или во тегла.

За употреба, навлажнете ја кожата и нежно нанесете го пилингот на вашето тело. Нежно масирајте за да ја ексфолирате кожата. Исплакнете со сапун и вода. Користете го пилингот еднаш неделно или кога и да готвите со мирисливи состојки.

3. Прочистувач од вода со лимон

7 состојки што ќе ви помогнат во борбата против непријатните телесни мириси

Лимоните се богати со витамин Ц и лимонска киселина и помагаат да го заштитите вашето тело од бактерии што предизвикуваат непријатен мирис. Пиењето вода со лимон и нанесувањето сок од лимон на пазувите може да ја промени pH-вредноста на вашето тело и да го подобри мирисот. Киселините што се наоѓаат во лимоните можат да реагираат остро кога се изложени на сонце, па затоа е најдобро да го нанесувате прочистувачот навечер или кога знаете дека ќе бидете во затворен простор.

За да направите прочистувач од вода со лимон, измешајте:

  • сок од половина лимон
  • 1 чаша вода

Оваа мешавина можете да ја пиете или да натопите памук и да ја нанесете на вашата кожа.

4. Неутрализатор на мириси од алкохол

7 состојки што ќе ви помогнат во борбата против непријатните телесни мириси

Бидејќи непријатните мириси обично се предизвикани од бактерии, својствата на алкохолот може да ви помогнат да се ослободите од непријатниот мирис на телото затоа што тие ги убиваат бактериите. Кога имате потреба од дезодоранс, нанесете малку алкохол на испотените пазуви. Избегнувајте употреба на алкохол на свежо избричена кожа за да го спречите чувството на печење на кожата.

5. Средство за плакнење на устата од кокосово масло

7 состојки што ќе ви помогнат во борбата против непријатните телесни мириси

Кокосовото масло е богато со антибактериски својства што докажано помагаат во хигиената на усната шуплина. Ова масло може да ви помогне во борбата против гингивитот и лошиот здив.

За да користите кокосово масло како средство за плакнење на устата, користете 1 до 2 лажици кокосово масло

Жабуркајте го маслото низ устата најмалку 5 минути или најмногу 20 минути. Потоа, плукнете го маслото и измијте ја устата со топла вода.

6. Дезодоранс од сода бикарбона

7 состојки што ќе ви помогнат во борбата против непријатните телесни мириси

Сода бикарбоната се користи како неутрализатор на мирис поради нејзините својства за апсорпција на мириси. Многу комерцијални дезодоранси содржат сода бикарбона за да помогнат во борбата против непријатните телесни мириси. Сепак, нанесувањето сода бикарбона во чиста форма директно на вашата кожа може да предизвика чувствителни реакции, па затоа е најдобро да ја измешате со нешто друго пред да ја користите.

За да направите сув дезодоранс со сода бикарбона, комбинирајте:

  • 1 дел сода бикарбона
  • 6 делови пченкарен скроб

Ставете ги во шише и нежно протресете го пред да го нанесете дезодорансот.

За да направите влажен дезодоранс со сода бикарбона, комбинирајте:

  • 1 дел сода бикарбона
  • 2 дела кокосово масло

Измешајте ги состојките во мал сад и нежно масирајте ја кожата. За дезодоранс без масло, направете паста со лажичка сода бикарбона и малку вода. Нанесете на пазувите и оставете ја пастата да се исуши целосно пред да се облечете.

7. Тоник од лук за отстранување на непријатните мириси

7 состојки што ќе ви помогнат во борбата против непријатните телесни мириси

Иако многумина сметаат дека лукот има силен и непријатен мирис, тој се бори против непријатните телесни мириси поради антибактериските својства што ги содржи.

За да направите тоник од лук за отстранување на мирисот, комбинирајте:

  • 3 чешниња излупен лук
  • 2 чаши вода

Ставете ги водата и лукот да зовријат околу 10-15 минути. Оставете ја смесата да се олади и процедете ја. Нанесете го тоникот на вашето тело и оставете го околу 30 минути пред да го исплакнете. Повторувајте ја оваа постапка секој ден и гледајте што ќе се случува понатаму.

Прочитајте како да мирисате свежо, дури и ако не сте се капеле неколку дена.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар