Претходно
Кое животно сте според хороскопот?
Со кое животно најмногу можете да се споредите? Ако некогаш сте се запрашале кое животно најдобро ве опишува овој текст е совршен за вас. Врз основа на информациите за вашиот хороскопски знак, откриваме кое е вашето астро-животно.
Овен – Волк
Вашата енергија не познава граници. Постојано сте активни, и физички и психички бидејќи не можете долго да бидете мирни. Со волците ја делите оваа карактеристика, едноставно секогаш трчате со членовите од својот чопор. Тие се познати по тоа што покажуваат силни квалитети за водство што вам ви е многу добро познато. Ако постои една личност на која сите ѝ веруваат дека ќе ја сработи работата – тоа сте вие. Како и волците, Овните се познати по своите каприци кога работите не се одвиваат според планот.
Бик – Мечка
Бикот е знак што е најмногу самоуверен во хороскопот. Не постои личност на која луѓето повеќе би сакале да ѝ се обратат доколку имаат проблем отколку на Бикот. Биковите сакаат рутина и избегнуваат промени колку што е можно почесто. Мечките следат прилично строг распоред на кој секогаш се придржуваат така што тоа ви е заедничко со нив. Исто така, Биковите сакаат убави работи, но не се плашат да работат за нив. Мечките на ист начин се однесуваат во врска со храната. Ако сакаат лосос – ќе добијат лосос!
Близнаци – Горила
Нежни сте и внимателни, а истото важи и за ова величествено животно иако на прв поглед не изгледа така (баш како и вие). Исто така, вие сте многу дружељубиви, секогаш посакувани од другите. Горилите функционираат на ист начин, секогаш комуницираат со оние во својата група за тоа што се случува или за новите возбудливи работи кои некој од нив ги научил. Освен тоа, горилите многу брзо учат, баш како вас.
Рак – Мачка
Вие сте прилично верни и секогаш сте тука за тие кои ги сакате, но на периоди сте малку повлечени. На тој начин сте дефинитивно како мачките. Тие што ви се блиски ви значат цел свет, но ретко тоа видливо го покажувате. Мачките се познати по нивната специфична особеност која некогаш е многу тешко да се разбере. Но, го сакате вашиот начин на функционирање затоа што се плашите дека некој друг ќе ве повреди. Всушност, многу сте поранливи и почувствителни отколку што изгледате.
Лав – Лав
Можеби беше очекувано, но вие сте вистински лавови. Овие прекрасни животни се познати како кралеви и кралици на џунглата, наслов кои самите вие го носите во човечкото кралство. На лавовите отсекогаш им се воодушевувале и се сметале за величествени суштества, а и тие сакаат да им се восхитуваат – баш како вас. Да бидете во центарот на вниманието за вас е сосема природно.
Девица – Зајак
Вие се највнимателното и најискусното човечко битие кое може да се сретне. Бидејќи секогаш се трудите да постигнете совршенство, ништо не препуштате на случајноста. Можете да бидете премногу критични кон себе, но тоа е така бидејќи знаете за што сте способни. Од тие причини сте како зајак. Зајаците се мирни животни кои ретко привлекуваат внимание на себе, а по тоа се и слични на вас – вие не сакате да бидете во центарот на вниманието. Тие се често погрешно сфатени (како и вие), особено затоа што не се независни како мачките, но не бараат внимание како кучињата. Освен тоа, зајаците ја сакаат природата како вас бидејќи таа го враќа мирот.
Вага – Куче
Верни и социјални, дефинитивно најмногу личите на својот најдобар пријател – кучето! Вие сте фер и праведни луѓе кои сакаат сите да бидат среќни. Без сомнеж вие сте миротворецот во својата пријателска група и секогаш помагате да се спушти топката пред работите да излезат од контрола. Исто така, како и слаткото куче, не сакате да бидете сами. Секогаш мора да бидете опкружени со пријатели и членови на семејството за да не бидете избезумени. За среќа, сите ве обожаваат така што секогаш сте во добро друштво.
Скорпија – Змија
Вие сте како змиите, но не поради причината на која помислувате. Иако сте склони кон љубомора и таинственост исто така сте и храбри и страсни. Многу сте упорни и не се плашите да ја откриете вашата присутност, но и целосно сте таинствени и демнете во сенка додека не дојде време да се „покажете“. Главната причина поради која сте како змиите е тоа што со вашиот знак управува Плутон – планетата на преобразба, па вие постојано одново се менувате. Баш како што змијата ја исфрла својата кожа така и вие се претворате во подобра личност, колку што е можно почесто.
Стрелец – Був
Вашата слобода ви е најважната на целиот свет. Во состојба сте да го направите тоа што го сакате кога и каде сакате затоа што ништо не земате здраво за готово. Слични сте на бувот затоа што тие можат слободно да се движат во секој момент. Барем и вие да имавте крилја па патувањето низ светот ќе ви беше полесно! Бувовите се познати по тоа што се неверојатно мудри. Истото важи и за вас. Непрестајно се обидувате да ја откриете смислата на животот така што постојано учите нови и занимливи факти речиси за сè.
Јарец – Слон
Самоуверени и одговорни, покажувате најголема самоконтрола што досега некој можел да ја покаже. Еднаш кога ќе се посветите на нешто, нема запирање. Баш како слонот, самите си го создавате вашиот пат кон успехот. Покрај тоа, вашето семејство ви е најважната работа на светот. Сè што правите го правите за ним да им обезбедите најдобар живот. Ако некој некогаш сака да повреди член на вашето семејство, подобро нека внимава. Слоновите се многу заштитнички настроени кон своите семејства, дури би се повредиле и самите ако со тоа би ги спасиле своите најмили.
Водолија – Свиња
Кога луѓето првпат ќе ве запознаат забележуваат дека сте малку тивки. Прилично сте срамежливи затоа што не ви е удобно со нови луѓе. Но, кога сте подготвени да се отворите, луѓето сфаќаат колку сте енергични и возбудливи. И свињите се склони на ова. Една минута се многу нежни, а следната се подготвени да го освојат светот. Баш како и вие, свињите се љубезни и грижливи суштества кои секогаш сакаат да се спријателуваат со другите животни. Тие се и многу добри слушатели – нешто во кое и самите вие сте исто така добри.
Риби – Делфин
Сочувствителни и нежни, вие сте личност што другите ја обожаваат. Постојно ги ставате потребите на своите најмили над вашите и им помагате најдобро што можете. Бидејќи сите ве сакаат, очигледно е дека сте делфин. Некогаш некој рекол нешто лошо за тие насмеани суштества? Не! Делфините се препознатливи како едни од најпаметните животни, баш како што вие сте интелигентно човечко битие.
Дознајте и како да ги препознаете хороскопските знаци во кафуле.
