5 профили на ТикТок што едуцираат, поврзуваат и го менуваат светот на подобро
Оваа година социјалните мрежи станаа попопуларни од кога и да е, а причина за тоа е пандемијата што нè натера да останеме во нашите домови повеќе месеци. Меѓутоа, ако на една социјална мрежа треба да ѝ се даде предност во популарноста во однос на другите, тогаш тоа е дефинитивно ТикТок. Иако многумина ја гледаат оваа релативно нова социјална мрежа како место само за деца кои танцуваат и смеат, ТикТок се покажа како виртуелно место каде што се случуваат исклучително важни работи. Образование, ширење позитивни пораки, активизам, желба и борба за промени се само некои од работите што ќе ги најдете таму. Овие пет профили ќе ви докажат дека ТикТок може да биде место каде што се рушат предрасудите и се учат нови работи.
@thistrippyhippie
@thistrippyhippietourette’s on a 3 hour car journey, no idea how my family puts up with it😂🐔#tourettes #foryou #tourettesyndrome #foryoupage #tics
Дваесетгодишната Еви преку својот канал ТикТок шири свест за лицата со Туретов синдром, од кој страда и таа. Со публика од 9,3 милиони луѓе, на кои таа секојдневно им покажува дека животот со тикови и напади честопати е погрешно сфатен, Еви споделува едукативни и смешни видеа. Но, без оглед на содржината, секое од овие видеа е инструмент со кој таа се бори против дискриминацијата.
@nikkililly
@nikkilillylooking for a cotton candy emoji right about now lol @yungblud #yungblud #cottoncandy #transition #fashion #y2k #inspo #makeup #outfitchange
Ники Лили има дури четири милиони следбеници со кои секој ден ја споделува својата животна приказна со артериовенски малформации. Преку упатства за шминкање и видеа за производи за убавина, Ники сака да му покаже на светот дека е иста како и сите други, и покрај тоа што изгледа малку поразлично.
@lucyedwardsblind
@lucyedwardsblindHow does a blind girl pour boiling water? #learnontiktok @tiktok_uk #howdoesablindgirl #edutok #boilingpoint #britishtea
Луси Едвардс е првата слепа радиопрезентерка на Бибиси што ја искористи платформата ТикТок за да ја подигне свеста за секојдневниот живот на слепите лица и да ги запознае луѓето со сите предизвици со кои се соочуваат. Исто така, Луси ги покажува начините на кои ги извршува секојдневните задачи, како што се пеглање, подготвување и нарачување храна, со што го воведува остатокот од светот во светот на слепите лица.
@yazdemand
@yazdemandPlease share this to as many transgender people you can!
Јаз е трансродова жена, која преку видеа на ТикТок се обидува да им покаже на луѓето со какви предрасуди се занимаваат трансродовите луѓе. Бидејќи Јаз е и црнка, ја допираат и осудите, навредите и насилството што не се однесуваат само на нејзината трансродност, туку и на бојата на кожата. Преку своите видеа, таа се обидува да им го олесни животот на сите трансродови луѓе и да ги охрабри да бидат тоа што се.
@jessicaoutofthecloset
@jessicaoutoftheclosetKnow anyone in a Boston Marriage? 👩❤️👩 #learnontiktok #tiktoklearn #vintagelesbian #queerhistory #lgbtq ♬ Angel’s Theme – Lionel Newman (conductor), Harry Sukman (conductor)
Џесика е глува винтиџ модна блогерка и инфлуенсерка која отворено зборува за сопствената хомосексуалност и ги користи своите платформи за да ги образова луѓето за ЛГБТК+ заедницата, за нивната историја и за нивните права. Покрај тоа, Џесика руши митови за животот со попреченост и секогаш го става акцентот на позитивното.
Погледнете што беше најпопуларно на ТикТок во 2020 година.